КИТАП УКЫП ГОМЕРЕҢ ОЗЫНАЯ!

Әйдә, җәй буена тузан кунып өлгергән баш миеңне бераз уйлатып ал әле: кайчан соңгы тапкыр кулыңа китап алдың? Ә хәзер тагын да катлаулырак сорау: ә кайчан аны ачып укыдың? Бик беләсең килсә, китап уку гомерне озынайта, ди! “Ничек инде китап укып гомер озынайсын?” дисеңме? 

Америка белгечләре әйтүенчә, китап укый торган кешеләр укымаучыларга караганда озаграк яши, ди. Моның өчен атнасына 210 минутны (бу – көненә ярты сәгать дигән сүз) китап укуга багышларга кирәк.

“Ничек инде китап укып гомер озынайсын?” дисеңме? Озыная ди шул менә:

1. Китап уку стрессларга бирешмәскә булыша. Күп авыруларның башында шул стресс тора бит. Ә син китап укуның бик яхшы тынычландырау чарасы булуын белә идеңме? Укыганнан соң стресс 68 % ка төшә ди! Нерв системасына китергән файдасы саф һавада йөрүгә караганда да күбрәк икән аның. 


2. Китап баш миен тонуста тотарга ярдәм итә. Китап укый торган олы яшьтәге кешеләр Альцгеймер (хәтерсезлек) авыруы белән сирәгрәк авырый. 


3. Йокы алдыннан китап уку тынычландыра. Нәтиҗәдә, иртән син йокың туеп һәм яхшы кәеф белән уянасың. 


4. Китап уку башкаларны яхшырак аңларга ярдәм итә. Кайберәүләр китап укуны чынбарлыктан качу диләр. Бәлки, күпмедер дәрәҗәдә бу сүзләр дөрестер дә. Һәр китапта яңа шәхесләр белән танышабыз, алар булып яшибез, димәк, кешенең эчке дөньясын өйрәнәбез, башкаларның син уйлаганча фикерләмәскә мөмкин булуларын аңлыйбыз.


5. Акыллы буласың килсә, китап укы. Китап күзаллауны гына киңәйтеп калмыйча, интеллектны да үстерә. Укый-укый сүзлек запасың да арта, тирә-як дөнья турында да ныграк белә башлыйсың. 




Комментарийлараә соңгы укыган китабың һәм аны ошату-ошатмавың турында язсаң, яхшы булыр иде. Ошатканын без дә укырбыз ?

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    802
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    573
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    473
    0
    0

Блоглар