ИМӘНЛЕК УРМАНЫ КАЙЧАН АЧЫЛАЧАК?

Ел саен Татарстанда парк-сквер яки берәр иҗтимагый киңлекнең яңартылуы 2015 елдан бирле яхшы традициягә әверелде. Нәкъ менә шул ел республикабызда Парк һәм скверлар елы, дип игълан ителгән иде. Быел Имәнлек урманының керү ягы да Парк һәм скверлар эшчәнлеге хезмәткәрләренең “кызган таба”сына эләкте.

Бүген Имәнлек урманының Имәнлек урамы башыннан керүчеләр андагы яңалыкларны, яңа зоналарны инде күреп өлгергәндер. Әлеге керү зонасының эшләре тәмамлануы турында без Татарстан иҗтимагый киңлекләрне үстерү программасының матбугат сәркатибе Мария Горожаниновага мөрәҗәгать иттек. Ул “Ялкын” журналына соңгы яңалыкларны белдерде:

Имәнлек урманының керү ягы террриториясендәге эшләр тәмамланды, диярлек. Чынлыкта ул ачык, бу районда яшәүчеләр яңартылган инфраструктурадан куллана. Эшләр тулысынча Яңа елга кадәр тәмамланачак. Хәзерге вакытта әлеге территориянең рәсми рәвештә кайчан ачылачагы төгәл билгеле түгел.

Яңартылган территория 5405 квадрат метр мәйданны били. Төзекләндерү дәвамында яңа активлыклар да пәйда булачак. Алар:

– уникаль эскиз буенча эшләнелгән җәмәгать транспорты өчен җылытылган тукталыш;

– спорт җайланмалары прокаты павильоны;

– кечкенә кафе;

– бәдрәф;

– ана һәм бала өчен бүлмә;

– эскәмияләр;

– төсле итеп яктыртылган таганнар.

Шулай ук казанлылар спорт җайланмаларын урманга керә торган җирдә арендага ала алачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2526
    0
    15
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    667
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    589
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019