Elvin Grey Мәскәүгә күчә

"Берничә көннән миңа 30 яшь тула. 30 яшьтә күп нәрсә турында уйлана башлыйсың. Шул уңайдан эшләнгән эшкә нәтиҗә чыгарырга һәм алдагы планнар турында сөйләшергә дә вакыт", - дип язган инстаграмында Радик Юльякшин 30 яшьлек юбилей концертлары алдыннан.

"Милли сәхнәдә 14 ел иҗат итү – аз вакыт түгел. Бу вакыт аралыгында күп нәрсә эшләнде. «Элвин Грей» рәсми лейблына нигез салынды, ул Казанда эшчәнлек алып барачак һәм яңа татар артистларына зур милли сәхнәгә юл күрсәтәчәк. Татар һәм башкорт эстрадасы кысаларында планлаштырылган эшләрнең барысы да чынга ашырылды. Әмма, милли мәдәният өчен барысы да эшләнеп бетмәгән әле. Шулай да, бу өлкәдә башкарылган эшләргә бәяне мин бирмим. Үз чиратымда әйтә алам: милли сәнгать өлкәсендә эшчәнлек дәвам итәчәк. Балалар туган телләрендә җырлыйлар, безнең милли телләребез федераль радиодулкыннарда яңгырый. Быелдан башлап лейбл сыйфатлы милли музыка булдыра башлады һәм сәхнәгә талантлы милли артистларны чыгарды.

2020 елда Мәскәүгә күченергә ниятлим, биредә яңача стильдә иҗат итәчәкмен. Ныклап продюсерлык һәм россиякүләм шәхси контентым белән шөгыльләнәчәкмен. Ике республика буйлап 2014 елда башланган гастрольләрем 5 елга сузылыр, дип уйламаган идем. Юк, мин сәхнәдән китмим. Концертлар булачак, ләкин башкачарак форматта һәм масштабта. Бу хакта тулырак алга таба сөйләрмен. Ә хәзергә мин сезне үземнең ике республикабызның башкалаларында узачак юбилей концертларымда көтеп калам.

P.s.: 2019 елда Уфада һәм Казанда булачак юбилей концертларыннан кала бүтән концертлар каралмаган", - дип яза артист.

Татар музыкасына керткән өлешенә без дә бәя бирик, дуслар. Аз түгел, шулай бит. Мәскәүгә китеп, башкача юнәлештә иҗат итә башласа да, без аны яратудын һәм аның иҗатын күзәтүдән туктамабыз.

#elvingrey #elvingreyplay #элвингрей

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2671
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    889
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    742
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019