«ЧЕРНОМОРЕЦ» ҺӘМ «ВОЛГА» ҮЗӘКЛӘРЕ – БАЛАЛАР ӨЧЕН ИҢ СЫЙФАТЛАРЫ!

Татарстанның дәүләт яшьләр сәясәте ничә еллар дәвамында Россиядә лидерлар рәтендә тора. Республика бу дәрәҗәгә лаеклы икәнен даими рәвештә дәлилли. Шушы арада «Черноморец» республика үзәге һәм «Волга» яшьләр үзәгенә «Иң яхшысы – балаларга» федераль сыйфат билгесе тапшырылган.

Әлеге бәйге 2019 елның гыйнварыннан ноябренә кадәр уздырылган. Анда балалар һәм яшүсмерләр өчен хезмәт күрсәткән Россия фирма, оешма, учреждениеләре һәм Россия базарына продукциясен тәкъдим иткән чит ил предприятиеләре катнашкан. Татарстанга тапшырылган әлеге бүләкләрне «Черноморец» республика үзәге директоры Евгений Ветров һәм «Волга» яшьләр үзәге директоры Рамил Минголовка алган.

Мондый сыйфат билгесе бу продукция курыкынычсыз гына түгел, аның сыйфатлы булуы турында да сөйли. Әлеге билге предприятиеләргә 2 ел дәвамында рәсми рәвештә мондый маркировканы бушлай куллану мөмкинлеген бирә.

Белешмә:

«Черноморец» республика үзәге һәм «Волга» яшьләр үзәге Татарстан Яшьләр эшләре министрлыгы ведомствосына карый.

«Черноморец» республика үзәге 1994нче елдан бирле Краснодар краеның Кара диңгез яры буенда Татарстан балаларының ялын оештыра. Ел саен бу базада 5000 бала һәм яшь кеше ял итә, сәламәтлеген ныгыта. Балаларны Кара диңгез яры буена махсус тимер юл составы һәм авиатранспорт илтә. Аларны квалификацияле педагог, табиб һәм Эчке эшләр министрлыгы хезмәткәрләре озатып бара. Юлда вагон-ресторанда кайнар аш белән дә тәэмин итәләр.

«Волга» яшьләр үзәге – заманча инфраструктуралы универсаль комплекс. Әлеге базада яшьләр һәм башка категория кешеләре өчен республика профиль програмаллары, уку-күнекмә җыеннары, физкультура, спорт-масса һәм сәламәтләндерү эшләре оештырыла. Биредә Татарстан халкы гына түгел, Россиянең башка төбәкләре, ерак һәм якын чит илләр вәкилләре дә катнаша.

фото Яшьләр эшләре министрлыгы сайтыннан алынды

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    1055
    0
    4
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    849
    0
    0
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    836
    0
    2

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019