16 яшькә кадәр автобуста бушлай йөреп булырмы?

Россиянең Дәүләт Думасына яңа закон проекты кертелгән. Анда 5-16 яшьлек балаларга җәмәгать транспортында бушлай йөрү тәкъдим ителә. Әлеге инициатива белән “Гадел Россия” партиясе депутатлары чыккан.

Алар фикеренчә, җәмәгать транспортында кондукторларның акчасыз яки проезднойсыз барган балаларны урамга куып чыгару очраклары арткан. Яңа закон балигъ булмаганнарны куркыныч ситуацияләрдән саклап калачак.

Пассажир транспорты эше нормалары буенча контролер билетсыз барган пассажирга шунда ук штраф сала алмый. Ул беркетмә язып, аны транспорт компаниясенә җибәрергә тиеш. Нәтиҗәдә, штрафны кондуктор түләргә тиеш була. Шуңа да билетсыз баручыларны, шул исәптән балаларны да, транспорттан еш кына куып чыгаралар.

Хәзерге вакытта шәһәр һәм шәһәр яны транспортында 7 яшькә чаклы балалар бушлай йөри ала. Ә чит илләргә юнәлгәндә, 5 яшькә чаклы бер бала бушлай барырга мөмкин. Тик бу очракларның берсендә дә утыру өчен аерым урын гарантияләнми.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    796
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    570
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    472
    0
    0

Блоглар