СУГЫШЛАР КАБЫНМАСЫН

Сугышлар кабынмасын

Әниемә "бабай" сүзен
Әйтү насыйп булмаган.
Ике бабасын да аның
Явыз сугыш урлаган.

Чит төбәкләрдә калган
Аларның каберләре.
Ятим итеп балаларын
Өзелгән гомерләре.

"Сез бәхетле, - ди әбием, -
Сугышларны белмисез.
Өстәл тулы ризыгыгыз,
Ачлыктан тилмермисез.

Без кичергән газапларны,
Сез күрергә язмасын.
Имин булсын тормышыбыз,
Сугышлар кабынмасын".

Альбина Яруллина,
Яр Чаллы, 7нче мәктәп, 9а сыйныф укучысы

Минем бабам

Бөек Ватан сугышында
Минем бабам катнашкан.
Безнең илебезне ул
Фашистлардан саклашкан.

Мылтык алып кулына
Яу кырына киткән ул.
Соңгы сулышына кадәр
Илгә хезмәт иткән ул.

Бабам кебек батырлардан
Үрнәк алырга кирәк.
Моның өчен бик мөһим,
Әлбәттә, кыю йөрәк.

Дарья Суханаева,
Яр Чаллы, 7нче мәктәп, 5а сыйныф укучысы

Бабай һаман уйда

Әниемнең әтисе
Киткән сугыш кырына.
Туры килгән балачагы
Авыр сугыш елына.

Әбиемнең күзләре
Талган кыйблага карап.
Чәчләре дә тиз агарган
Бабам турында уйлап.

Бабам гына кайталмыйча
Калган сугыш кырында.
Әнием һәм әбиемнең
Ул һаман да уенда.

Диана Агафонова,
Яр Чаллы, 7нче мәктәп, 9а сыйныф укучысы

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 март 2021 - 10:43
    ИКӘҮ ЭЧМӘГӘН ЧӘЙЛӘР – Әй, Кар кызы! Кая, бир сумкаңны, озатып куйыйм үзеңне! – Артыннан куып җиткән таныш түгел егетнең сүзләреннән Сәмирә башта сискәнеп китте. Ләкин алай да сер бирмәгәндәй кыланды:  – Миңа ерак түгел, монда гына... Мәшәкатьләнмә, Кыш бабай, – диде. 
    1705
    0
    6
  • 21 март 2021 - 10:13
    «МИН – ТЕЛЕФОН КОЛЫ...» «Мин телефонга бәйле. Бу турыда моңа кадәр үк әти-әнием, дусларым әйтә иде инде. Аларны тыңламый, ишетми идем. Хәзер моны үзем дә аңлый башладым. Чыннан да кереп китәм дә, чыга алмыйм. Көнем дә, төнем дә шул телефонда уза. Бу бәйлелектән ничек тә булса арынып буламы?»
    671
    0
    0
  • 17 март 2021 - 13:39
    СЫРЛЫ ШАМПИНЬОННАР РЕЦЕПТЫ Бу гади һәм бик туклыклы ризык. Өстәлдән иң беренче булып аны сыпырталар. Нәрсәләр кирәк була?
    535
    0
    0

Блоглар