Әтиләр, абыйлар - безнең терәк, алар безгә бик кирәк!

Мин - Алмаз Файзрахманов, Арча районы Түбән Аты төп гомуми белем мәктәбенең 7 нче сыйныф укучысы. "Ялкын" укучыларын үземнең мәктәбем белән таныштырып узасым килә. Безнең мәктәбебездәге 40 укучының 19ы - малайлар,  21е - кыз балалар. Егетләребезнең булдыклы, тәртипле булып үсүләрендә әтиләрнең, укытучы абыйларның шәхси үрнәге, һичшиксез, зур әһәмияткә ия.

Түбән Аты мәктәбе каршында Әтиләр Советы уңышлы гына эшләп килә. Анда иң актив 5  әти кеше сайлап куелган. Әтиләребез  мәктәп тормышы белән даими кызыксынып, ярдәм итеп торалар. Советның рәисе Гаязов Наил Илдар улы - һәр эштә башлап йөрүче. Наил абый МВДда кинолог булып хезмәт куя. Бик җаваплы эштә эшләсә дә, мәктәпкә ярдәм кулы  сузарга вакытын да, җаен да таба, башка әтиләр белән дә уртак тел табып, аларны туплый белә. "Сабантуй" журналында әтием (Айрат Файзрахманов) турында язган мәкаләм дә басылган иде әле. Барлык әтиләр дә безнең өчен үрнәк, һәрчак аларның ярдәмен тоеп яшибез.

12 кешедән торган укытучылар коллективында да 5 ир-егет укытучыбыз бар. Барысы да тәртипле, кайгыртучан кешеләр, үз эшенә бирелеп эшләүче укытучылар. Алар арасында иң өлкән укытучы - Данис  Мәхмүт улы - безгә әтиебез кебек якын булса, иң яшь абыебыз - Ленар Яхъя улы - безгә якын дустыбыз кебек. Ул безне волейбол, футбол уйнау серләренә төшендерә, туризм түгәрәге  алып бара.

Ленар абый ярдәме белән мәктәптәге балалар бик актив спортсменнар булып  җитешәләр. Күптән түгел безнең мәктәп командасы чаңгы дистанцияләрендә спорт туризмы буенча  район мәктәпләре арасында 1нче урын алды, ә Шәмсиева Алинә яшьтәшләре арасында 3нче урынга лаек булды. (Шәмсиев Ислам, 5нче сыйныф)


Хәмидуллин Данис Мәхмүт улы рус теле һәм әдәбияты, татар теле һәм әдәбияты фәннәрен укыта. Данис абыйның белмәгән бернәрсәсе дә юк. Башка фәннәргә караган сорауларга да ул тиз һәм төгәл җавап бирә ала, әйбәтләп аңлатып бирә. Ул 3 дистә ел буе безнең авыл мәктәбендә белем бирә инде. Данис  Мәхмүт улы быел “Иң яхшы сыйныф җитәкчесе” бәйгесендә  катнашты, анда да алдынгы  урын алды. Аның сыйныфындагы укучылар имтиханнарын гел уңышлы тапшыралар. (Шаһиәхмәтов Диас, 8нче сыйныф)



Үзе - таләпчән, үзе - шаян Рәдис Наил улы да безгә һәрьяклап үрнәк. Яраткан укытучыларыбыз Фәнил абыйны да, Булат абыйны да бик хөрмәт итәбез.

Шакиров Рәдис Наил улы  химия, биология, география фәннәрен укыта. Мин Рәдис абыйны иң-иң  шәп укытучы дип уйлыйм,чөнки бөтен укучылар   химия, биология  фәннәреннән имтихан сайлыйлар һәм уңышлы тапшыралар. Быелгы уку елыннан башлап Рәдис абый мәктәп директоры вазифасында да эшли башлады. (Хәбибрахманов Азат, 8нче сыйныф)


Сафин Булат Фәим улы безгә математикадан белем бирә. Ул бик шаян кеше, читен булганда да күңелне күтәреп җибәрә белә. Аның дәресләрен көтеп алам. (Фәйзиев Фиргать, 7нче сыйныф)


Кашшапов Фәнил Хәлил  улы тарих, җәмгыять белеме предметларын укыта. Быел Фәнил абый белән тырышып әзерләнеп, тарих буенча районкүләм олимпиадада призлы урынга лаек булдым. Фәнил абыйны бик хөрмәт итәм. (Шамсиева  Алинә, 7нче сыйныф)



Арча спорт мәктәбеннән килеп, көрәш түгәрәге алып баручы Таһир абый Лотфуллин турында бик күп сөйләп булыр иде. Нинди яшьтә булуга карамастан (1нче сыйныфмы яки  9нчы сыйныфмы) һәр малай белән уртак тел таба белүче бу абыйны барыбыз да үз итәбез: чын ир-атлар нинди булырга тиешлеген сүздә генә түгел, аның үз мисалында да  ачык күреп була.

Мәктәптә һәр көнне җылы, тыныч булсын дип кайгыртучы Равил, Альберт, Зөлфәт абыйларга да без бик рәхмәтле. Чаңгының каешы ычкынса, куртканың  замогы көйсезләнеп куйса, башка көтелмәгән авырлыклар очрап куйса да, бу абыйлар безгә үз балаларыдай карыйлар, ярдәм кулы сузарга һәрвакыт әзер торалар.

Кадерле әтиләребезне, мәктәбебездәге барлык ир-егетләрне якынлашып  килүче  зур бәйрәм белән тәбрик итәм. Аларга нык сәламәтлек, гаиләләрендә дә, мәктәптә дә хөрмәткә лаек  кешеләр булып яшәүләрен  телим.


Алмаз Файзрахманов, Арча районы Түбән Аты төп гомуми белем мәктәбенең 7 нче сыйныф укучысы.

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    5257
    3
    104
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    3070
    1
    93
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2700
    0
    65
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1963
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1673
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    125
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    121
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019