"ЯЛКЫН" КАБЫЗГАН ЯЛКЫН"

Сыйныфыбыз белән Казанга барып, "Сез иң гүзәл кеше икәнсез!" бәйгесе җиңүчеләрен бүләкләү тантанасында катнашып кайттык! Бүләкнең саллысы – музыкаль колонкалар безгә, бәйге җиңүчеләренә эләкте. Укучылар, укытучылар һәм экспертлар катнашында "Укырга вакыт" дип аталган түгәрәк өстәлдә катнаштык. Анда "Уку: искелекме, модамы? Безгә нинди әсәрләр кирәк?" кебек сорауларга җавап эзләдек. Телевидение, милли китапханә, редакциядә эшләүчеләр фикерен ишеттек. Хәзер күпләр заман техникасына мөкиббән киткән вакытта, китап укучылар да юк түгел икән. Бала кечкенәдән китап укып үсәргә тиеш, ә инде үскәч, китапны яки интернетның кайсын сайлавы үз иркенә куелсын дигән фикерне хуплаучылар күп булды.

Тиздән безнең мәкаләләребез журналның электрон сайтында һәм март санында басылачак икән. "Ялкын" белән дуслыгыбыз өзелмәс дип уйлыйбыз, чөнки әлеге очрашу безнең күңелләрдә ялкын кабызды. Кол Шәриф мәчете, Казан Кремле урнашкан урамда йөреп, башкалабызның матурлыгына, төзеклегенә сокландык. Казанга сәяхәтебез хәтеребездә озак сакланыр әле.

7 нче сыйныф укучылары һәм сыйныф җитәкчесе Г.Әһлиуллина.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    739
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    664
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    499
    0
    0

Блоглар