"ҺӨНӘР" ФЕСТИВАЛЕНДӘ PRO/ХӘРӘКӘТ КОНКУРСЫННАН СПЕКТАКЛЬ ЭСКИЗЛАРЫ КҮРСӘТЕЛӘ"

7-13 декабрьдә Казанда үтүче "Һөнәр" VII Бөтенроссия яшь режиссура театр фестивале кысаларында PRO/ХӘРӘКӘТ 2015 конкурсыннан эскиз эшләр тәкъдим ителә. Эскизлар 9-13 декабрьдә "Угол" иҗат лабораториясендә күрсәтелә. Керү ирекле.  


"Беренче" ("Первый") заман драматургиясе һәм режиссурасы үзәге тарафыннан оештырылган PRO/ХӘРӘКӘТ 2015 конкурсына "Һөнәр" фестивалендә күрсәтеләчәк өч эскиз эше белән йомгак ясала. Исегезгә төшерәбез, конкурсның беренче этабында пьесалар кабул ителде һәм жюри тарафыннан бәяләнде, 10 пьесадан торган лонг-бит,  8 пьесадан торган шорт-бит төзелде һәм иң әйбәт өч пьеса сайлап алынды. Икенче этапта – 10-20 ноябрьдә – конкурсның пьесалары тамашачыларга укылды. 9 һәм 13 декабрьдә "Угол" иҗат лабораториясендә әлеге пьесалардан 3 спектакль эскизы тәкъдим ителә:

9 декабрь, 14:30 «Зәңгәрсу ярда». Авторлары – Сөмбел Гаффарова һәм Йолдыз Миңнуллина, режиссеры – Регина Саттарова.

9 декабрь, 21:00. «Алеша Патша һәм урман Бүребикәсе хакында әкият" ("Сказка про Алешу Царевича и Волчиху лесную»). Авторы – Алексей Егоров, режиссеры - Елена Калаганова.

13 декабрь, 14:30. «Антигона һәм аның абыйлары». Авторы – Рөстәм Сабиров, режиссеры – Юлия Захарова.

PRO/ХӘРӘКӘТ 2015 конкурсы эскизларының "Һөнәр" фестивалендә күрсәтелүе очраклы түгел. Әлеге проектларның максатлары охшаш – театр дөньясында яңа талантларны ачу һәм үстерү.

Исегезгә төшерәбез, "Һөнәр" VII Бөтенроссия яшь режиссура театр фестивале 2015 елның 7-13 декабрендә Казанда үтә. Фестивальдә Санкт-Петербург, Уфа, Ижевск, Йошкар-Ола, Казан, Түбән Кама, Яр Чаллы, Бөгелмә шәһәрләреннән режиссерлар катнаша.

«Һөнәр» спектакльләре Казанның 7 театраль мәйданында күрсәтелә: Камал театрының Зур һәм Кече сәхнәләрендә, "Әкият" курчак театрының Кече сәхнәсендә, К.Тинчурин һәм Яшь тамашачылар театрында, М.Сәлимҗанов исемендәге Актерлар йортында, “Угол” иҗат лабораториясендә.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 март 2021 - 10:43
    ИКӘҮ ЭЧМӘГӘН ЧӘЙЛӘР – Әй, Кар кызы! Кая, бир сумкаңны, озатып куйыйм үзеңне! – Артыннан куып җиткән таныш түгел егетнең сүзләреннән Сәмирә башта сискәнеп китте. Ләкин алай да сер бирмәгәндәй кыланды:  – Миңа ерак түгел, монда гына... Мәшәкатьләнмә, Кыш бабай, – диде. 
    1707
    0
    6
  • 21 март 2021 - 10:13
    «МИН – ТЕЛЕФОН КОЛЫ...» «Мин телефонга бәйле. Бу турыда моңа кадәр үк әти-әнием, дусларым әйтә иде инде. Аларны тыңламый, ишетми идем. Хәзер моны үзем дә аңлый башладым. Чыннан да кереп китәм дә, чыга алмыйм. Көнем дә, төнем дә шул телефонда уза. Бу бәйлелектән ничек тә булса арынып буламы?»
    672
    0
    0
  • 17 март 2021 - 13:39
    СЫРЛЫ ШАМПИНЬОННАР РЕЦЕПТЫ Бу гади һәм бик туклыклы ризык. Өстәлдән иң беренче булып аны сыпырталар. Нәрсәләр кирәк була?
    535
    0
    0

Блоглар