Логотип Идель
Ялкын

"КАЗАН - СПОРТ КАЛАСЫ"

2015нче елның 19-21нче сентябрь көннәрендә Казан кабат спорт шәһәренә әйләнәчәк. Быел башкалабызда Коляскаларда баскетбол уйнау буенча ачык кубок уеннары булачак. Турнир Васильево поселогында, «БК УНИКС» үзәгендә, ә финал уеннары Казанда Баскет-Холл спорт комплексында узачак. Әлеге турнир авыр тормыш хәлендә калган, сәламәтлекләрен югалткан кешеләрнең ни дәрәҗәдә көчле рухлы була алуларын дәлилли.

Турнир Российский спортивный союз инвалидов (Мәскәү шәһәре) һәм Россиякүләм инвалидлар берләшмәсенең Татар республика оешмасы тарафыннан оештырыла. Турнир Татарстан Республикасы Президенты Рөстәм Нургали улы Миңнеханов һәм Татарстан Республикасы хакимияте ярдәме белән уздырыла.

Турнирда Санкт–Петербург, Ульяновск, Казан, Ижевск, Чиләбе, Төмән һәм Яр Чаллыдан килгән баскетбол төркемнәре катнашыр дип көтелә. Чарага барлыгы 120 спортчы киләчәк.

Турнирның ачылу тантанасы 19нчы сентябрь көнне 10.30да башланачак.

Следите за самым важным и интересным в Telegram-каналеТатмедиа

Нет комментариев