УБЫРЛЫДАН КУРЫКМА! ГЕОРГИЙ МИЛЛЯРДАН ДА!

Убырлыдан курыкма! Георгий Миллярдан да курыкма! Советлар Союзының чып-чын убырлы карчыгын хәтерлисеңме икән? Бүген аның да туган көне... Менә ни кызык, убырлы карчык хатын-кыз бит инде ул, бөтен килеш-килбәте белән, хәрәкәтләре белән шуны дәлилли. Ләкин, ни кызык, аның ролен башкарырга нәкъ Георгий абый Миллярны - чып-чын ир-атны чакыралар.  Ә бит башкарып та чыга! Без, мәсәлән, шактый шүрли идек аннан.



Тормыш юлы22


Георгий Милляр - РСФСР халык артисты, театр һәм кино киңлекләрендә күп кенә мирас калдырган киң кырлы, бик талантлы шәхес. Ул 1903 елның 7 ноябрендә дөньяга килгән. Мәскәүдә үсә, әтисе француз, әнисе исә рус. Чын фамилиясе - Де Милье. Гаиләсе шактый бай була, Мәскәүдә үз квартиралары, Мәскәү артында һәм Геленджикта - дачалары. Малай исә француз тәрбияче белән үсә: кече яшьтән сәнгать, әдәбиятка мөкиббән киткән була. Шуңа да киләчәк тормышын сәхнә белән бәйләргә тели.  Революция гаиләнең хәлен үзгәртә: малы, акчалары алына, фамилиясе дә Милляр булып кала... Ләкин нәни Георгий үз хыялларыннан баш тартмый. Бүген аның каһарманнарын танымаучылар юктыр, әкият дөньясын яңа дәрәҗәгә күтәргән кеше ул!


Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла

Блоглар