ГАБДУЛЛА ТУКАЙ МУЗЕЕ ФИЛЬМ КАРАРГА ЧАКЫРА

 

2016 елның 3 ноябрендә 11.00 сәгатьтә Габдулла Тукай музее «Сәнгать төне» акциясе кысаларында Милли музееның конференцияләр залында шагыйрь Габдулла Тукайның балачагы турындагы «Каргышлы балачак» телевизион фильм премьерасының 20 еллыгына багышланган очрашуга чакыра. Кичә ТР РФда Кино елы белән дә бәйле.

Г. Тукай музее киң кырлы эшчәнлеге белән билгеле: әдәби-музыкаль кичәләр, иҗат әһелләре белән очрашулар, күргәзмәләр, музей бәйрәмнәре, музей-педагогик дәресләре, мастер-класслар. Чираттагы чара – шагыйрь Габдулла Тукайның балачагы турындагы «Каргышлы балачак» телевизион фильм премьерасының 20 еллыгына багышланган очрашу. Фильм бүгенге көндә дә төрле яшьтәге тамашачыларда зур кызыксыну уята.

Кичә Г.Тукай әдәби музееның иң кызыклы экспонатларының берсе – Иске Татар бистәсе макеты тарихы белән бәйле. Макет Тукайның балачагы турында төшерелгән фильм өчен махсус ясалган.

Очрашуга ТРның атказанган сәнгать эшлеклесе, телефильм режиссеры Әхтәм Зарипов, Сәгъди ролен башкаручы, Г. Тукай ис. премия лауреаты, актер Илдус Әхмәтҗанов, фильм эпизодлары төшерелгән Кушлавыч авылындагы Тукаевлар музее мөдире Ләйлә Мөхәммәтшина чакырылган.

Чара ТР Милли музееның конференцияләр залында очрашу форматында узачак. Музейга килүчеләр «Каргышлы балачак» телевизион фильмы авторлары һәм актерларының истәлекләрен тыңлый, фильмны төшерү өчен ясалган Иске Татар бистәсе макеты буенча экскурсиядә катнаша һәм фильмның кайбер эпизодларын карый алачак.

Очрашуга 5-8 сыйныф укучылары чакырыла һәм алдан бирелгән гаризалар буенча кабул ителә.

Габдулла Тукай әдәби музее: 292-20-85

Редакция-нәшрият бүлеге-матбугат үзәге: 292-32-18

Тагын укыгыз:

• Милли музей күргәзмәләре


• Музейдагы фотосурәт: үрнәк алыр кешеләр бар