ДЕПУТАТ БУЛУ ҖИҢЕЛМЕ?

Кем соң ул - депутат? Һәм ни өчен без аларны бөтен авыл, бөтен шәһәр, бөтен илебез белән сайлыйбыз? Ә алар ник шулай ашкынып сайлана? Шундый рәхәт эш мени соң ул - депутат эше?

Депутат - халык белән хакимият арасында арадашчы ролен үти торган кеше, халык сүзен җитәкчелеккә җиткерүче дияргә була. Әйтик, мәктәпләрдә шундый тәртип бар - һәр класс үз старостасын сайлый. Һәм класста ниндидер сораулар туса, яисә нидер кирәк булса, классны нидер борчыса, сез старостаны арадашчы итеп директорга җибәрәсез. Әгәр староста булмаса, мәсьәләне хәл итү "син бар да син бар"га әйләнергә мөмкин бит. Яисә директорга класс белән йөрергә туры киләчәк. Мәктәпләрдә директор бүлмәләре бик киң түгел, үзегез беләсез, шуңа өстәп, әле бер-берегезне бүлә-бүлә, хәлне аңлата башласагыз, мәсьәлә хәл дә ителми калырга мөмкин...

Депутат - әнә шундый класс старостасы ул, ул үзенең классы - төбәгендә яшәүчеләр өчен җавап бирә, аларның яшәү шартларын, көнкүреш мәсьәләләрен кайгырта. Ә нинди булырга тиеш соң - синең мәнфәгатеңне кайгыртучы кеше?

Депутат дебатларда күренә


депутат 1Сайлау алдыннан булачак депутатлар дебатларда - фикер көрәшендә катнашалар. Быелгы дебатларны алып барган Леонид абый Толчинский (кемнәр журналист булырга җыена? - Леонид абый КФУның Журналистика югары мәктәбе җитәкчесе дә әле ул) әйтүенчә, партияләр күп булса да, барысының да фикерен ишетү насыйп булмаган икән. Партияләрнең берничәсе генә зәңгәр экраннарда күренеп, халыкка үз карашларын җиткергән. Калганнар видеороликлар төшерү белән генә чикләнгәннәр.

Белмәгән кешене "халык авазы" итеп сайлап булмый бит инде! Шуңа депутат булырга теләсәң, үз фикереңне җиткерә белергә, кешеләрне үзең белән таныштыра белергә кирәк. Бу тәҗрибәдән чыгып, шундый нәтиҗә дә ясаганнар: телевидениедә дебатлар ешрак булсын иде, лидерлар, ораторлык сәләтләрен чарлый алсыннар иде. Ә депутат булып, дебатларда катнашучы мондый сыйфатларга ия булырга тиеш икән:


  1. Халык таный торган кеше булырга



  2. Фикерләрен төгәл җиткерә белергә



  3. Фикерләре тупланган ныклы программасы булырга, киләчәкне күрә белергә тиеш.



Менә шулай - әзерләнә торыгыз, бүгенге старосталар!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 июнь 2020 - 16:58
    КАРЛЫГАННАР ӨЛГЕРГӘН ЧАК Бакчада кара карлыганнар өлгерде. Кара төннең үзеннән дә кара карлыганнар. Татлы да үзе, әчкелтем дә. Табигатьтә гел шулай: иң бәрәкәтле, иң шифалы сые – әче җимешендә...  
    1445
    0
    12
  • 19 июнь 2020 - 16:49
    КЕШЕ КҮҢЕЛЕ – КАРА УРМАН (ХИКӘЯ) Рәгинә иртән эшкә барганда да, кичтән кайтканда да ике тукталыш арасын, гадәттә җәяүләп үтә. Кышын буранга, язын челләгә, язлы-көзле коеп яуган яңгырларга карамый, җәяүләп атлый. Бүген дә шулай итмәкче иде. Төнлә явып үткән яңгырдан соң сафланып, төсләре ачыкланып калган иртәнге кала урамнарына хозурланып баруга ни җитә!
    1267
    1
    8
  • 26 июнь 2020 - 10:30
    ЯШЬЛЕК ХАТАСЫ Лаеклы ялга чыгуына ике ел үтсә дә, Энҗе, һаман эшкә барасы булган кебек, һәр көн ашкынып иртә таңнан тора. Ничектер, көтеп алган лаеклы ялда үз җаена, салмак-тыныч кына яшәргә өйрәнеп китә алмый әле хатын. Башта бер-ике тапкыр, тиз-тиз киенеп, эшенә чыгып киткән чаклары да булган иде. Ишек төбенә барып җитеп, ире Расих туктаткач кына ушына килә иде элекке шәфкать туташы.
    1135
    0
    16

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019