БЫЕЛ "БЕРДӘМ ДИКТАНТ" БУЛМАЯЧАК

Иртәгә, 8 апрельдә, бөтен дөнья буйлап «Тоталь диктант» акциясе үтәчәк. Грамоталылыкны тикшерә торган бу чараның былтыр татарча альтернативасы да барлыкка килгән иде. «Бердәм диктант» дигән акция татар телендә диктант язуга багышланды. Тик быел бу акция булмаячак икән. Моның турында безгә оештыручылар сөйләде.

2016 елда «Бердәм диктант» акциясе Татарстанның күп кенә районнарында узды. Республика башкаласыннан кала, Әлмәт, Бөгелмә, Буа, Алабуга, Яшел Үзән, Яр Чаллы, Түбән Кама, Минзәлә, Чистай шәһәрләрендә дә оештырылды. Казан медицина университеты тарафыннан уздырылган бу чара катнашучыларның татар теле буенча белемнәрне тикшерүгә багышланган иде. «Укучылар» диктантны Габдрахман Әпсәләмовның «Ак чәчәкләр» романыннан өзек язды.

– Быел «Бердәм диктант» акциясе уздырылмаячак. Аны киләсе елларда уздырырга ниятлибез, Алла боерса. Чараныңүткәрелмәвенең төп сәбәбе дә шунда. Мондый чараларның файдасын һәр кеше үзе билгели инде. Алар күбрәк булган саен телнең абруе арта, – дип сөйләде безгә «Бердәм диктант» чарасын уздыручыларның берсе, Казан дәүләт медицина университеты рус һәм татар теллләре кафедрасы өлкән укытучысы  Ләйсән Йосыпова.

2016 елдагы «Тоталь диктант» акциясендә 2484 кеше катнашкан. Ә «Бердәм диктант»та исә – 900дән артык кеше. 2016 елда 900 кешенең 95е диктантны “5”ле билгесенә язган иде. Быел бу сан, мөгаен, тагын да артыр иде, чөнки былтыр бу акция турында ишетми калучылар да үзләрен сынап карарга килер иде. Житмәсә, былтыр оештыручылар үзләре дә күрсәткечләренең артуын бик теләде. Тик, ни кызганыч, быел әлеге чара уздырылмый.

Мондый чаралар дәвам итсә, шәһәр яшьләренең дә телгә булган мөнәсәбәте, бәлки, үзгәрер иде. «Бердәм диктант» акциясе татар теле буенча белемнәрне тикшерүгә корылган бердәнбер чара гына түгел. Чөнки 2016 елда Казанда гына түгел, Россиянең башка шәһәрләрендә дә «Яз» дип аталган татарча диктант язу акциясе узды.

Чагыштырып карасак, әгәр «Бердәм диктант» акциясе «5»ле билгесенә язучылар һәрберсенә чара вакытында ук катнашу турында сертификат бирелде. Ә «5»легә язучылар исә истәлекле бүләк һәм махсус диплом белән бүләкләнде. Ә «Яз» дип аталган акциядә катнашканнарга катнашу турындагы интернет аша йөкләп алды. «5»легә язучылар исә җиңүче сертификатын шулай ук интернет челтәре аша гына йөкләде.

Алинә МИННЕВӘЛИЕВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    958
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    814
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    759
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019