"АКТИВИСТЛАР БЕРГӘ ҖЫЕЛСА, НИ БУЛА?"

2015 нче елның 17 нче декабрендә Казанда "Без бергә" балалар җәмәгать оешмалары һәм укучыларның үзидарә оешмалары җыены булып узды.

Әлеге чарада Татарстан Республикасы Премьер-министры урынбасары, Мәгариф һәм фән министры Энгель Фәттахов, Физик культура, спорт һәм яшьләр эшләре буенча Дәүләт думасы комитеты рәисенең беренче урынбасары Марат Бариев һәм «Союз пионерских организаций – Федерация детских организаций" Халыкара балалар оешмалары берләшмәсе рәисе Алексей Волохов та катнашты. Җыен «Союз наследников Татарстана» балалар оешмалары берләшәсенең 25 еллыгы уңаенан оештырылды.

Казанга республикабызның бөтен районнарыннан иң актив, иң сәләтле 500 баласы һәм аларның җитәкчеләре җыелган иде. Әлеге мөһим чарада "Ялкын"ның яхшы дусты, Кайбыч районы Бәрлебаш урта мәктәбенең 8 нче сыйныф укучысы Гыйбадуллина Адилә дә булып кайткан.