«АКШ КОМАНДАСЫН НИ КӨТӘ?»

Су спорт төрләре буенча 16 нчы ФИНА дөнья чемпионаты кысаларында су полосы буенча хатын-кзлар арасындагы беренче ярымфинал матчы тәмамланды. Көчле каршы тору нәтиҗәсендә, АКШ кызлары Австралия кызларын турнирда беренче тапкыр җиңелергә мәҗбүр иттеләр һәм финалга чыктылар.

Хатын-кызлар арасындагы финал юлламасы өчен континентара баталия стартка кадәр киеренке, компромиссыз һәм зәһәр булырга ышандырган иде. Бер якта АКШ җыелма командасы – гамәлдәге Олимпия чемпионы, икенче якта – ДЧ-2015тә әле җиңелү ачысын татып карамаган австралиялеләр. Моның белән беррәттән, Яшел континентның милли командасы Дөнья лигасы-2015нең финалында “йолдызлы-буй-буйлы”ларга җиңелгән иде. Нәтиҗәдә, җиңелүдән соң калган реванш хисе дә аларны алга этәрде.

Матчның беренче яртысында көндәшләр чиратлап алга чыктылар, әмма ике якның берсе дә тәнәфескә өстенлек белән китә алмады – исәп 5:5. Шул исәптән, америкалылар таблодагы саннарны сиренага бер секунд кала тигезләделәр, көрәшчән тигезлек экваторга җитү турында белдерде.

Тәнәфестән соң җыелма командалар вакытларын күбрәк үз якларын саклауга сарыф иттеләр. Бу аңлашыла да, чөнки хата ясалса, турнирдагы медальләрдән колак кагулары бар.  Үз якларын саклауда америкалылар өстен чыктылар: уенның икенче яртысында тупны бер тапкыр үткәрсәләр, үзләре каршы якка өч тапкыр тидерделәр. Нәтиҗә – 8:6. Австралия турнирда беренче тапкыр җиңелде һәм бронза артыннан китте, ә АКШ турнирның беренче финалисты булып билгеләнде.

ДЧ-2015. Су полосы.

Хатын-кызлар. Ярымфинал.

АКШ – Автралия – 8:6 (2:2, 3:3, 1:0, 2:1)

5 август. Казан. "Су полосы өчен арена"

Мәгълүмат Су спорт төрләре буенча 16 нчы ФИНА дөнья чемпионаты Оештыру комитеты матбугат хезмәтеннән алынды.

Чемпионат мира FINA 2015. Водное поло. Женщины. Матч США - Австралия

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 март 2021 - 10:43
    ИКӘҮ ЭЧМӘГӘН ЧӘЙЛӘР – Әй, Кар кызы! Кая, бир сумкаңны, озатып куйыйм үзеңне! – Артыннан куып җиткән таныш түгел егетнең сүзләреннән Сәмирә башта сискәнеп китте. Ләкин алай да сер бирмәгәндәй кыланды:  – Миңа ерак түгел, монда гына... Мәшәкатьләнмә, Кыш бабай, – диде. 
    1708
    0
    6
  • 21 март 2021 - 10:13
    «МИН – ТЕЛЕФОН КОЛЫ...» «Мин телефонга бәйле. Бу турыда моңа кадәр үк әти-әнием, дусларым әйтә иде инде. Аларны тыңламый, ишетми идем. Хәзер моны үзем дә аңлый башладым. Чыннан да кереп китәм дә, чыга алмыйм. Көнем дә, төнем дә шул телефонда уза. Бу бәйлелектән ничек тә булса арынып буламы?»
    672
    0
    0
  • 17 март 2021 - 13:39
    СЫРЛЫ ШАМПИНЬОННАР РЕЦЕПТЫ Бу гади һәм бик туклыклы ризык. Өстәлдән иң беренче булып аны сыпырталар. Нәрсәләр кирәк була?
    535
    0
    0

Блоглар