ӘНИЕМӘ (шигырь)

Ай нурыдай балкыйдыр,
Әни, синең йөзләрең.
Йолдыз кебек янадыр
Әни, синең күзләрең.

Кояш кебек җылыдыр,
Әни, синең кочагың.
Чишмә кебек моңлыдыр,
Әни, синең тавышың.

Ак кар кебек чистадыр,
Әни, синең күңелең.
Ширбәт кебек татлыдыр,
Әни, синең сүзләрең.

Шул сүзләрең иркәлидер
Минем нәни күңелне.
Балдай эреп китәмен,
Елмаеп кочсаң мине.

Габдрафиков Шамил, 9 класс, Бөгелмә.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: