"ТУГАН ТЕЛЕМ - ТУКАЙ ТЕЛЕ"

I Бөтенроссия  «Туган телем – Тукай теле» фестиваль-бәйгесе Казанның «Юность» мәдәният үзәгендә 22 апрель көнне узачак. Чарада Россиянең төрле төбәкләреннән конкурсантлар катнаша.

«Бу конкурс Казанда 8 ел дәвамында оештырылып килде. Баштарак бу конкурста шушы районда яшәүче балалар бакчаларына йөрүче сабыйлар һәм мәктәп яшендәге үсмерләр генә көч сынашкан булса, соңа таба Татарстанның төрле районнары һәм хәтта Ульян өлкәсе, Марий Эль республикаларыннан да катнашучылар булды.Фестивальнең туган телне саклау һәм үстерү, мәдәни кыйммәтләребезне киләчәк буынга җиткерү, яшьләрдә халык иҗатына мәхәббәт тәрбияләү һәм илебездә яшәүче талантлы балаларны барлау максатларын күздә тотып уздырабыз», - ди «Юность» мәдәният үзәге мөдире урынбасары Азат Фазылҗанов.



«Туган телем – Тукай теле» проекты быел бөтенроссия статусы алды. Конкурста  5-7, 8-11, 12-15 һәм 16 яшьтән өлкәнрәк балалар, төрле коллективлар үз чыгышларын тәкъдим итә.

«Шунысы куанычлы: балаларыбыз Тукай шигырьләрен шулкадәр яратып өйрәнәләр. Быел бәйгедә 400 дән артык конкурсант катнашачак. 5-11 яшьлекләр арасында шигырь сөйләүчеләрнең саны 200 гә җитә.  «Туган телем – Тукай теле» проекты физик мөмкинлекләре чикле булганнар арасында да популярлашты. Быел Яшел Үзән һәм Азнакайдан физик мөмкинлекләре чикле булганнар да үз талантларын сынарга булдылар», - ди чараны оештыручылар.

Фестиваль-конкурс 3 номинациядә үтә: вокал, нәфис сүз осталыгы һәм әдәби театр (7 минутка кадәр). Конкурсантларның сәхнәдәге чыгышына танылган сәхнә осталары Идрис Газиев, Исламия Мәхмүтова,  Луара Шакирҗан,  Резеда Галимова һәм Г.Кариев исемендәге Казан татар дәүләт яшь тамашачылар театры директоры Мансур Ярмиев бәя бирәчәк.

//Татар-информ//

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    1102
    0
    4
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    894
    0
    0
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    841
    0
    2

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019