ВЛАДИМИР ВЫСОЦКИЙНЫ ИСКӘ АЛУ КӨНЕ

Россиядә 25нче июль - шагыйрь, прозаик, театр һәм кино артисты, җырчы Владимир Высоцкийны искә алу көне. Шагыйрьнең дөньядан киткәненә быел 39 ел...

Владимир Высоцкий исән чагында ук халык күңелендә үзенең лаеклы урынын тапкан хөрмәтле шәхес. Аның шигырьләрен күпләр яттан белә, җырлары әле дә телдән-телгә күчеп, халык хәтерендә саклана бирә. Высоцкий талантлы артист, музыкант, җырчы, гомумән, сәнгать эшлеклесе буларак кына түгел, ә шәхес буларак кызыклы. Шактый катлаулы тормыш юлы үткән, үзенең туры, ихлас сүзе белән күпләргә ярамаган бу шәхеснең шигырь-җырлары иң мөһим һәм иң дөрес әйберләр хакында.  Владимир Высоцкийны Мәскәүдә, Петербургта һәм башка бик күп шәһәрләрдә бүген һәм әле тагы берничә көн төрле чараларда, бәйрәмнәрдә искә төшерәчәкләр. Ә без, әлеге шәхес кешелеккә бүләк итеп калдырган шигырьләрнең татарчага тәрҗемәсе белән танышып, аны искә алыйк...

Кайчан гына...

Кайчан гына, уйнап-җырлап туйгач,
Кайда өзелер гомерем - кем белә?
Тик бернәрсә аермачык бугай:
Ашыктырмас Алла Тагәлә!

Почетларның алтын чылбырына
Утыртылдым... Тел-тешем үтми...
Әй, кем шакый имән капкаларны
Сөяк бармак белән? Сак этне

Өркеттереп. Җавап юк шул. Әмма
Койма өсләрендә чалгы - ай
Ялтырыйдыр, үткен йөзен янә
Миңа таба төбәп, тоеп җай...

Көмеш мунчагымны өзәрмен дә,
Алтын чылбырымнан арынып,
Качармын чал ирек үзәненә,
Күкрәү күкрәгенә сарылып!..

 

Саубуллашу

Кораблар туктап тора да, яңа курс алып,
Кабат өйгә, давыл аша, кайта әйләнеп.
Ярты ел да узмас, мин дә, сәфәрдән талып,
Кайтырмын, туган ягыма коштай әйләнеп.

Барысы да кабат кайта, тик якын дуслар,
Өзелеп сөйгән дуслар кайтмый - кала югалып.
Барысы да кабат кайта, тик сүнә хисләр.
Язмышка ышанмыйм инде: дөньям - догалык...

Тик өметем әле дә мулдан, мулдан ышаныч:
Туган ягыма кайтырмын - йөзләр мең таныш!
Кораб яндыру модасы бетәр. Моң - юлдан
Яңа җырларым яңгырар - нәкъ ярты елдан.

Мансур Сафин тәрҗемәсе.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2566
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    720
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    630
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019