БҮГЕН НИНДИ БӘЙРӘМ?

Дөньяда без белгән, яратып көтеп алган төрле бәйрәмнәрдән тыш, колак ишетмәгән кызыклы бәйрәмнәр дә бар. Яндекс яисә Гуглда кызык өчен генә “Бүген нинди көн?”- дип эзләп кара әле, күпсанлы кызыклы бәйрәмнәргә тап булырсың. Ярый, бүген синең өчен үзебез эзләдек, һәм синең бүгенге көнеңне тагы да матуррак һәм күңеллерәк итәрдәй ике бәйрәмне аерып алдык. Күңелеңә кайсы ошый, шунысын сайла.

Тәмле ризык көне




Шунда ук сорау туа: ә дөньяда иң тәмле ризык – нәрсә? Безнең өчен барысын да өйрәнеп, туплап куйган интернет дустыбызга мөрәҗәгать итсәк, ул күз күрмәгән, колак ишетмәгән ашамлык исемнәре тәкъдим итәчәк, кайберләренең исемнәрен әйтеп бетерә торган да түгел хәтта. Тик шулай да, күп сораштыруларда иң тәмле ризык буларак пицца билгеләнә. Ә безнеңчә, иң тәмле ризык – ул үз кулың белән пешергәне. Бөтен кеше дә тәмле итеп ашарга пешерә белми бит, диярсең. Килешәбез, тик үзеңнең ашарга пешерүгә осталыгыңның ни дәрәҗәдә икәнлеген исәпкә алып, син дә үзең өчен бүген менә дигән ризык әзерли аласың. Мисал өчен, гади генә йомырка тәбәсеннән дә искиткеч тәмле төшке аш хәстәрләргә була: бары бераз помидор, кызыл борыч, яшел суган, укроп өстәп җибәр, һәм менә дигән хуш исле төшке аш әзер!

Асфальтка рәсемнәр ясау көне




Ничә яшьтә булсак та, күңелдә без барыбыз да диярлек балалар булып калабыз. Ә балачак дигәч, күзалдына ниләр килә соң? Кичкә кадәр дуслар белән уйнау, кире чыгармаслар дип куркып, өйгә су эчәргә керми йөрүләр, үзебезчә рәсем ясыйбыз дип, асфальт буяулар. Ә нигә моны кабатламаска ди? Вакыт үтү белән куллар да остаргандыр, төсле акбурлар ал һә-әм... Ә калган барысы да синең фантазияңнән тора. Эх, моны язганда үземнең дә асфальтка берәр ни ясыйсы килеп китте. Кыскасы, исемеңне матур итеп язып куйсаң да, бу бәйрәмне билгеләп үттең дип саный аласың!

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    853
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    781
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    677
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019