25 октябрь 2022 яңалыклары

25 октябрь Бөтендөнья макарон көне билгеләп үтелә. Искәретп узарга кирәк, бу бәйрәм күптән түгел барлыкка килгән, ләкин ул тиз арада дөньякүләм популярлаша. Аптырарлык та түгел, чөнки макарон бөтен планетада танылган ризыкларның берсе.

Бөтендөнья сәламәтлек саклау оешмасы көненә ким дигәндә 400 грамм җиләк-җимеш һәм яшелчә ашарга киңәш итә. Белгечләр билгеләп үткәнчә, көненә бер генә алма ашау да йөрәк-кан тамырлары авырулары белән көрәшә, шикәр авыруы үсеше куркынычын киметүгә ярдәм итә. Ләкин бу ризыкларны дөрес кулланмау сәламәтлеккә, киресенчә, зыян да китерә ала.

Бүгенге көндә «авыл» сүзе күпчелек кеше өчен искелек, заманадан күпкә артта калган урын буларак күз алдына килә. Яшьләрнең дә күбесе авылда мөмкинлекләр һәм үсеш өчен җирлек юк дигән сәбәп белән шәһәргә күченүне өстен күрә. Ләкин моның киресен дәлилләүче кешеләр һәм чаралар да юк түгел. Алар авыл белән шәһәр арасында бернинди дә чикләр юклыгын күрсәтә.