ЮЛДА ИМИНЛЕК АТНАСЫ

Юл аша чыкканда, колакчыннардан музыка тыңламау, велосипедта дөрес йөрү, автомобильчеләрнең рөхсәт ителгән тизлек белән баруы... Болар идеаль тормышта гына була ала, дисеңме? Юк, әлбәттә. Тик боларны чынга ашыру өчен бары тик бераз игътибарлырак булу һәм кагыйдәләрне санга сугу кирәк ләбаса.

6-12 майда Татарстан БМОның юл хәрәкәте куркынычсызлыгының Бишенче Глобаль атнасына кушылды. Әлеге акция  җәмәгатьчелек игътибарын юллардагы һәлакәтләргә җәлеп итте. Чыннан да, шушы бәла-казалар аркасында юлларда балалар шактый һәлак була. Әле генә дөньяны шатландырган сабыйның шулай кинәт үлүе әти-әнисенә зур кайгы китермичә калмый.
Тарихка күз салсак, Глобаль атна беренче тапкыр 2005 елда уздырыла. Юл хәрәкәте катнашучыларына мәгълүмат җиткерү, юллардагы һәлакәтләрне киметү – төп максат шушы була. Инде бишенче тапкыр үткәрелгән әлеге Глобаль атна юл иминлеге өлкәсендә идарә итүне көчәйтүгә багышланды.

Сәпиттә иминме?


Әлеге атна дәвамында юл хәрәкәтенең яшь инспекторлары “Велосипедта – иминлектә!” дип аталган акциядә катншаты. Алар “сәпит” сатыла торган кибетләр, велосипедларны прокатка бирү салоннарына килүчеләр белән аралашты. Шушы чара дәвамында сәпиттә йөрү кагыйдәләре белән таныштырды, велошлемнарны кияргә кирәклеген аңлатты. Балалалар бишектән үк диярлек велосипедта йөрергә өйрәнсә дә, зур юлларга бары тик 14 яшьтән генә чыгарга ярый.


Колакчыннарыңны сал!


Юлда барганда, колакчыннар аша музыка тыңлаучыларга ияләшеп беттек, бугай. Тик уңга-сулга карамыйча, игътибарсыз булсаң, һәлакәткә очравыңны көт тә тор! Шул уңайдан Әлмәт шәһәрендә “Электрон” яшүсмерләр клубына йөрүчеләр һәм аларның укытучылары “Колакчыннарыңны сал!” акциясендә оештырды. Ул, беренче чиратта, җәяүле-яшүсмерләргә юнәлтелде. Аның дәвамында җәяүлеләргә тематик листовкалар таратылды, җәүлеләр белән бергә “Колакчыннарыңны сал!” дигән кисәтә торган билге дә ясады.


"Тере" билгеләр


Зур тизлектә йөртүчеләргә кайвакыт барысын да яхшылап аңлатасы килә. Кайчак сәгатенә 40, 60 километр барырга кирәкле урыннарда алар тизлекне ике тапкырга диярлек арттыра. Югары Ослан укучылары аптырап тормаган: барысын да иллюстрацияләр ярдәменә аңлаткан. Алар “Тормышны сакла! Тизлекне кимет!” акциясен уздыра. Егет-кызлар юл кырыенда “Максималь тизлекне чикләү (сәгатенә 40 километр тизлек белән)” дигән юл билгеләрен тотып, бер рәткә тезелде. Шулай итеп, машина йөртүчеләргә җәүялеләр кичүендә тизлек режимы белән аеруча сак булырга киңәш итте. Мондый “тере” юл билгеләре яныннан узып киткәндә, автомобильчеләр дә укучыларны хуплап, сигнал белдерде.


Атна тәмамлана, эш тукталмый


Көнчыгыш Себер узышчылары Татарстанда килгәч, әлеге иминлек атнасында катнашты. Аркадий Цареградцев һәм Россиянең вице-чемпионы Никита Шитов, үз эшләренең остасы булуга карамастан, “Транспортта йөрергә өйрән – юлларны имин ит”, “Шәһәрдә тизлекне кимет”, дип чыгыш ясады.

Татарстанда Глобаль атна тәмамланса да, яшь инспекторларның эше тукталмый. Каникуллар җитүенә карамастан, алар “Куркынычсыз тәгәрмәч-2019” Бөтенроссия конкурсына әзерләнә. 3-10 июньдә узачак әлеге чарага бөтен илдән 500 катнашучы киләчәк, шулардан 340 укучы үзен ярышларда сынаячак. “Куракынычсыз тәгәрмәч” “Казан ЭКСПО” Халыкара күргәзмә үзәгендә узачак. Илкүләмендәге мондый ярышлар Казанда өченче тапкыр узачак. Моңа кадәр алар 1986 һәм 2006 елларда үткән. Татарстанның яшь инспекторлары Бөтенроссия конкурсында 10 тапкыр җиңүче булган, 13 тапкыр Европа ярышларында катнашкан. Анда да өч тапкыр җиңү яулаган.



Алинә МИННЕВӘЛИЕВА


Фотолар: Татарстан Республикасы буенча Эчке эшләр министрлыгының ЮХИДИ идарәсенең матбугат хезмәте

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2468
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2306
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1954
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019