УКУ МАТЕРИАЛЫН АҢЛАУ ӨЧЕН 3 ГАДИ АЛЫМ

“Әгәр бер ахмагы нәрсәне дә булса уйлап таба алган икән, димәк икенче ахмагы аны аңлый да алачак”.

Әлеге фраза авторы, физика буенча Нобель премиясе лауреаты Ричард Фейнман үзенең юмор хисе белән генә түгел, ә бөек ачышы белән дә тарихка кереп калган. Квант электродинамикасын нигезләүчеләрнең берсе, кырның квант теориясе өлкәсендә элементар кисәкчәләрнең әверелүләрен аңлатырга мөмкинлек биргән Фейнман диаграммалары методын эшләгән, АКШ атом бомбасын әзерләүдә катнашкан галим.

Моннан тыш Ричард Фейнман югары уку йортларында физика укыту методларын яңарта, үзәртеп кора.

Галим әле яшь чагында ук үзенә катлаулы тема-материалларны да башкаларга караганда җиңелрәк һәм төплерәк үзләштерергә ярдәм иткән уку-укыту формуласына юлыга. Әлеге формула Фейман методы исеме белән йөртелә башлый. Аның принциплары классик совет мәгарифе системасында да урын ала. Формуланы куллану өчен син өйрәнәсе тема, предмет яки төшенчәнең нинди булуы әһәмиятле түгел, ул универсаль, барлык өлкәләрдә дә эшли һәм гаҗәеп нәтиҗәләргә ирешергә мөмкинлек бирә.

 

Беренче адым. Кечкенә баланы өйрәт


Чиста кәгазь алып, аңа нәрсәне өйрәнергә теләвеңне язып куй. Предмет, фән яки төшенчә турында ниләрне беләсең, балага ничек аңлатыр идең, шул рәвештә кәгазьгә яз. Үзең кебек үк акыллы яшьтәшләреңә яки олыларга аңлаткан төсле түгел, ә нәкъ менә кечкенә, әйтик 7-8 яшьлек балага. Күп кеше авыр темаларны аңлатканда катлаулы сүзләр, җитди төшенчәләр кулланырга ярата. Ә менә син кечкенә бала да аңларлык тел белән кәгазьгә төшерә барганда үзеңә идеяне тирәнрәк аңларга ярдәм итәсең. Бераз гына тырышлык – һәм син үзеңнең “ак тапларыңның” кайда икәнлеген аңлап, аларны юкка чыгарачаксың. Димәк, теманы аңлатып кәгазьгә язганда ук өйрәнү, белем алу барышы башланачак.

Икенче адым. Кабатла


Беренче адым вакытында син һичшиксез белемнәреңнең сай урыннарын күрәчәксең: кайдадыр син әһәмиятле әйберләрне онытып калдыргансың, аңлата яки җентекле тасвир булдыра алмагансың. Син үз белемнәреңнең чикләрен ачыкларга тиешсең – бу бик мөһим. Нәкъ менә шушы ноктадан өйрәнү, белем эстәү башлана да. Димәк, хәзер син проблеманың нидә икәнен беләсең: беренчел материалга кире кайтып, аны яңадан өйрәнеп чык, моны кимчелекләреңне бетергәнче кабатла.

Өченче адым. Оештыр һәм гадиләштер


Димәк, хәзер синең кулыңда кулдан язылган беркадәр күләмдә аңлатмалар бар. Аны игътибар белән карап чык – беренчел чыганактан нинди булса һөнәри төшенчәләр, терминнар кереп китмәгән микән. Моннан соң иң кызыгы – әлеге язмалардан гади генә хикәя, нотык төзе. Кычкырып укып чык. Әгәр дә аңлатмаң сәер яңгырый яки катлаулы күренә икән, бу белемнәреңне әле камилләштерергә кирәк дигән сүз. Яңадан алдагы адымнарны башкарып чык.

Дүртенче адым (мәҗбүри түгел). Бүлеш


Әгәр дә син теманы аңлаганыңны ныклап тикшереп карыйсың килә икән, үз белемең белән бүлеш (иң яхшысы – әлеге темада белемнәре бик сай булган кеше яки 7-8 яшьлек бала белән). Теманы белү-белмәвеңне тикшерер өчен иң яхшы тест – аның турындагы белемеңне башка кешегә тапшыра алу.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2477
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2315
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1961
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019