“ТАТАРКИНО” ҺӘМ КАМАЛ ТЕАТРЫННАН ЯҢА ПРОЕКТ – “КИНО+ТЕАТР”

Киноның театр белән бергә кушылганын күргәнең бармы? Булмаса, димәк, әлеге яңа проект – кинога да, театрга да мөкиббән китүчеләр өчен. 6 октябрьдә Казанда “Кино+Театр” дигән уникаль акция башланып китә.

Әлеге чара Россиядә Театр елы уңаеннан “Татаркино” оешмасы һәм Г. Камал исемендәге Татар дәүләт академия театры тарафыннан уздырыла. Берничә ай дәвамында, һәр якшәмбе 14.00дә, “Мир” кинотеатрында Камал театры репертуарыннан төшеп калган, тамашачылар яраткан иң яхшы спектакльләр күрсәтеләчәк. Хәер, бу спектакльләр трансляциясе генә түгел, ә Камал театры актерлары белән очрашу да булачак. Алар үзләре катнашкан постановкалардагы кайбер серләр белән дә бүлешәчәк.

Шушы проект дәвамында зур экранда беренче тапкыр Татарстанның йөзек кашына әверелгән спектакльләр тәкъдим ителәчәк.

Миләүшә Айтуганова, “Татаркино” директоры:

– Әлеге идея бездә ел башында, Россиядә Театр елы игълан ителгәч, туды. Казанның “Мир” кинотеатрында, республиканың кайбер районнарында, аерым алганда, Питрәч һәм Лаешта, Театр елы белән бәйле рус телле акцияләр узды. Аларда бүген дә драматургия материалы белән бәйле кино күрсәтү оештырыла. Ягъни сәхнәдә актерлар әсәрләрне укып, спектакльләрдән өзекләр уйный, ә киноэкран төп декорациягә әйләнә.

Моннан тыш, татар телендә дә спектакльләр күрсәтү идеясе булган. Шул уңайдан, “Татаркино” Камал театрына мондый тәкъдим белән мөрәҗәгать иткән. Нәтиҗәдә, зур экраннарда яраткан спектакльләрне карап булачак. Хәзерге вакытта әлеге акция өчен 8 спектакль сайлап алынган. Алар татар телендә рус телле субтитрлар белән барачак. “Кино+Театр” проекты Казан белән генә чикләнеп калмаячак, бөтен республика буйлап җәелдереләчәк.

Илфир Якупов, Г. Камал Татар дәүләт академия театры директоры:

– Бездә легендар спектакльләрнең видеоязмаларын карап, алар буенча фикер алышу тәҗрибәсе бар. Бу “Камал мәктәбе” театр тамашачысы мәктәбе, Кабан күле яры буенда ачык һавада кино күрсәтүләр. Хәзер без яңа дәрәҗәгә чыгабыз: 200 тамашачыны сыйдыра торган зур экранда киноспектакльләр күрсәтүләр булачак. Мондый проектлар тамашачы өчен бик мөһим, чөнки аларның архив спектакльләрен карау мөмкинлеге аз. Ә репертуардан төшеп калган тамашаларга ихтыяҗ зур.

Әлеге киноспектакльләр муниципаль кинотеатрларга да тәкъдим ителәчәк. Якын арада республика буенча узачак мондый киносеансларның расписаниесе төзеләчәк.

Проект 6 октябрьдә Марсель Сәлимҗановның Туфан Миңнуллин әсәре буенча куелган “Әлдермештән Әлмәндәр” спектакле белән ачылачак.

Нравится
Комментарии (0)
Осталось символов:
Шәп укыла
  • 21 сентябрь 2019 - 20:55
    НИГЕЗ ЙОРТ Сания карчыкның бәгыренә төшкән сагыш иксез-чиксез иде. Бу сагышны бер генә үлчәмгә салып та, бер генә бизмәнгә куеп та булмыйдыр. Ул аны гүя утырган эскәмиясенә мәңгелеккә беркетеп куйган да үзе башка җаннар эзләп китеп барган. Шуңа күрәдерме, Саниянең күңеленә авыр булса да, аның җаны тыныч иде...
    2755
    2
    57
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    2208
    1
    29
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    1957
    0
    15
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1931
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1816
    2
    24

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    192
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    257
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019