СӘЛАМӘТ ЯШӘҮ РӘВЕШЕ АРЗАН БУЛА АЛАМЫ?

Теге дә фитнеска йөри, бу да... Минем дә йөрисе килә! Тик... кыйбат бит ул... Нишләргә соң? Чыгу юлы бар!

Спорт белән һәрдаим шөгыльләнү күп акча сорый. Киенү дисеңме, тукланумы, йә инде тренировкалар үзләреме... Нишләргә соң? Хәзер без сиңа барысын да бәйнә-бәйнә аңлатабыз! ;)

  1. Саф һавада шөгыльләнәбез.


Яхшы формада буласың килсә, кардиотренировкаларга (йөгерү, велосипедта йөрү һ.б) игътибар ит. Җылы вакытта фитнес-клубка акча түкми генә дә спорт белән шөгыльләнеп була бит! Шулай ук скакалка аша сикерү дә шәп нәрсә! Ярты сәгать эчендә 300–400 ккал “юк ителә” ала!

  1. Өйдә шөгыльләнәбез.


Спорт белән өйдә шөгыльләнү өчен теләк, дисциплина һәм ихтыяр көче кирәк. Шуңа күрә билгеле бер шартлар тудырганда әлеге эш җиңелрәк башкарыла:

  • Кайсы көннәрдә һәм сәгать ничәдә шөгыльләнүегезне билгеләп куегыз;

  • Тренировка сәгате башланырна 15 минут кала телефонны чылтрый торган итеп көйләп куегыз;

  • Спорт киемен алдан ук әзерләп куегыз.


Боларга өстәп, нинди күнегүләр ясаячагыгыз турында  программа төзеп куярга, өйдә тренировкалар өчен махсус урын билгеләргә дә кирәк булыр. Күнегүләрне үз авырлыгың белән дә, махсус җайланмалар (гер, скакалка һ.б) белән дә ясарга мөмкин.

  1. Фитнес-клубта шөгыльләнәбез.


Әгәр сез урамда да, өйдә шөгыльләнергә әзер түгел икән, бер генә чыгу юлы кала – фитнес клуб. Анда да бушлай (яки арзан) шөгыльләнеп була бит!

  • Залның гадирәген сайлагыз.


Бассейны да, саунасы да, хамаммы да кирәк, дип уйлыйсызмы? Ялгышасыз. Беренчедән, бу кыйбат, икенчедән, саунада җебеп утырсагыз, спорт белән шөгыльләнергә вакытыгыз калырмы?

  • Ташламаларга игътибар итегез.


Гадәттә, алар Яңа елдан соң һәм җәй айларында була. Шулай ук дустың алып килүчеләргә дә бәхет елмаерга мөмкин.

Абонементны еллык итеп алыргамы-юкмы – анысын сез хәл итәсез. Әгәр тренировкаларны калдырмыйча йөриячәгегезне төгәл белсәгез, еллык абонементлар  - бик отышлы вариант. Әгәр юк икән, 1-3 айга гына алып карарга була.

  • Бушлай тренировкаларга йөрегез.


Барлык фитнес-клубларда да диярлек беренче тренировканы бушлай уза. Бу залны, киенү-чишенү бүлмәсен карау өчен махсус эшләнә, шул ук вакытта рәхәтләнеп спорт белән шөгыльләнеп чыгарга да мөмкин.

  • Тренер белән беренче вакытта гына шөгыльләнегез.


Тренер ничек шөгылләнергә икәнлеген өйрәтә, максатка ирешер өчен нишләргә кирәген аңлата. Фитнеска әле яңа йөри башласагыз, тренер өчен акчаны кызганмагыз. Бер ай тирәсе узганнан соң эшне үзең генә дә дәвам итәргә мөмкин.

Зилә САБИТОВА әзерләде

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2478
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2315
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1962
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019