КФУДА – «ТӨНГЕ БОРЫЛЫШ»!

КФУда 30 ноябрьдә «PRO НАУКА» түләүсез белем бирү проектының алтынчы сериясе башлана. Ул«Төнге борылыш» дип атала. Бу юлы «Фән төне» тормышның төрле өлкәләрендәге инкыйлабка багышлана.

Бер мәйданчыкта төрле-төрле чаралар була. Алар арасында фәнни-популяр лекторий, белем бирү интерактивлары, мастер-класслар, «акыллы» күңел ачулар бар. Фәннең мавыктыргыч һәм аңлаешлы булуына балалар да, өлкәннәр дә инана алачак.

Фәнни-популяр лекторий «Җәмгыять», «Фән» һәм «Сәнгать» дип аталган өч тематик секциядә тәкъдим ителә. Европа шәкелендәге татар мәдәнияте үсеше, татарларның һәм башкортларның үзбилгеләнү проектлары, киләсе дүртенче сәнәгый инкыйлаб дәверендә безне ни көтүе һәм гравитацион дулкыннарны теркәү ысуллары, яңа дару уйлап табу галәм корабының ракета двигателен уйлап табуга тиң булуы сәбәпләре һәм сәнгать музейларына баруның никадәр файдалы булуы, шулай ук башка бик күп мәгълүматлар турында сөйләнеләчәк.

КФУ укытучылары һәм Калифорния университеты профессоры, Н.И.Лобачевский исемендәге премия лауреаты Ричард Шейн, Иерусалимдагы Хәзерге заман сәнгатен өйрәнү һәм үстерү үзәгенең фәнни җитәкчесе Алек Эпштейн, Макс Планк исемендәге гравитацион физика институтының фәнни хезмәткәре Эдвард Мусаев кебек чит ил галимнәре элекке һәм бүгенге революцион ачышлар турында чыгыш ясаячак.



Кунаклар интеллектуаль викториналарда һәм маҗаралы компьютер уеннарында үзләренең белемнәрен сынап караячак. Иң киң белемле катнашучылар тарих серләренә багышланган «Нәрсә? Кайда? Кайчан?» уенына теркәлә ала. Тарихи экспозицияләр, уеннар һәм күргәзмәләр 100 ел элек булган хәлләрне искә төшерергә, шул заман сулышын тоярга мөмкинлек бирәчәк. Мастер-классларда рәсемнәр, гамәли дәресләр һәм теоретик белемнәр аша төрле низаглардан качарга, рәссам-конструктивист яки оста сөйләүче булырга өйрәтәчәкләр.

Балалар өчен химик экспериментлар, “Фән хәзинәләре” шоу-тамашасы, яңа ел уенчыклары ясау буенча мастер-класслар һ.б. үткәреләчәк. Мәктәп укучылары өчен аерым зона булдырылачак. Психологлар, кабул итү комиссиясе белгечләре баланың һөнәри һәвәслекләрен билгеләргә ярдәм итәчәкләр, киләчәктә кайсы һөнәрләрнең популяр булуы турында сөйләячәкләр һәм югары уку йортына керү турындагы сорауларга җавап бирәчәкләр.

Чарада һәркем түләүсез катнаша ала. Чараның тулы программасы һәм анда катнашу өчен теркәлү тәртибе night.kpfu.ru сайтында бирелгән.


«PRO НАУКА» проекты Казан федераль университетында 2016 нчы елның июнь аеннан гамәлгә керде. Аның максаты – фән турында гади итеп сөйләү.

Нәрсә: «PRO НАУКА» түләүсез белем бирү проектының алтынчы сериясе

Кайда: КФУ, Кремль урамы, 35 йорт

Кайчан: 30 ноябрь, 18.00

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    685
    0
    0
  • 8 май 2021 - 18:49
    НИЧЕК ШИГЫРЬНЕ РЕКЛАМАГА ӘЙЛӘНДЕРМӘСКӘ: КУКМАРА УКУЧЫЛАРЫ ИҖАТЫНА КҮЗӘТҮ Кукмара районына «Әйдә, киттек» проектын төшерергә баргач, яшүсмерләр безнең кулга бер өем шигырь китереп бирделәр. Ә без шигырьләр укырга яратабыз. Димәк, бу санда Кукмара районы яшь шагыйрьләренең иҗатларына күзәтү ясарбыз.
    320
    0
    0
  • 9 май 2021 - 09:55
    ҖИР ЙӨЗЕНДӘ ӘКИЯТ БАР! Җир йөзендә әкият бар Таңда исеп куя җил, Чал дулкынны куа җил —
    308
    0
    0

Блоглар