ИННОПОЛИС УНИВЕРСИТЕТЫНА ИҢ-ИҢНӘР ГЕНӘ КЕРӘ!

Быел Россиянең IT-вузына 16 210 кеше укырга керергә теләгән. Шуларның 1123е – БДБ илләреннән, 7631е – ерак чит илләрдән. Вузда бакалавриат, магистратура, аспирантура юнәлешләренә укырга кереп була.

Бакалавриатка килгәндә, аңа – 8845, магистратурага – 6614, аспирантурага 751 кеше гариза тапшырган. Тик, әлбәттә, гаризалар күп булса да, бу вузга бары тик иң-иңнәрне генә сайлап алалар. Нәтиҗәдә, Иннополис университетына 267 кеше кабул ителгән. Шуларның 167се – бакалавриатка, 86ы – магистратурага, 14е – аспирантурага.

Әлеге югары уку йортына кергән студентларның БДИ буенча уртача баллы 92,8не тәшкил итә. Җиде ел эчендәге эшчәнлеге дәверендә бу – иң яхшы нәтиҗә. IT-вузның 25 беренче курс студенты бер предметны 100 баллга тапшырган, шуларның 9ы – татарстанлылар.

Узган ел исә Иннополис университеты студентларының уртача баллы 90,4 балл булган. Аның нәтиҗәләре буенча вуз техник уку йортлары арасында – икенче урынны, бюджеттан тыш вузлар арасында 1нче урынны алган булган. Ә Россия рейтингында 7нче урынга чыккан. Быел биредә укырга теләк белдерүчеләр дә 4970кә артыграк булган.

Екатерина Процко, Иннополис университетының абитуриентларны кабул итү һәм җәлеп итү бүлеге җитәкчесе:

– Без елдан-ел безнең университетка кызыксыну артканын күрәбез. Әгәр былтыр бер урынга 43 кеше дәгъва кылса, быел 61. Башка илләрнең олимпиадниклары тарафыннан да вузга карата игътибар арта. Монда безнең вузга кадәрге белем бирү идарәсе дә зур роль уйный. Ул информатика, мәгълүмати куркынычсызлык, математика, робототехника буенча халыкара олимпиадалар уздыра.

Шунысы да бар: Иннополис университеты 9 халыкара һәм Бөтенроссия олимпиада һәм конкурсларына методик ярдәм күрсәтә. Алар – физика, мәгълүмати куркынычсызлык, математика, робототехника, финтех, инженер-фәнни проект мәсьәләләренә бәйле бәйгеләр. Ел саен мондый интеллектуаль ярышларда 30 000 укучы катнаша.

Моннан тыш, вузда шулай ук мәктәп укучылары өчен программалаштыру, робототехника, математика, проект эшчәнлеге буенча 29 белем бирү курсы бар. 2016 елдан башлап, биредә 46 белем бирү сменалары эшләп килә. Аларда 4246 кеше катнашкан. Шулай ук Иннополис Бөтенроссия робототехника олимпиадасының операторы да булып тора, информатика буенча Бөтенроссия олимпиадасын уздырырга ярдәм итә.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2463
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2303
    0
    12
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1952
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019