ЭССЕ КӨННӘРНЕ НИЧЕК ҖИҢЕЛ КИЧЕРЕРГӘ?

Эссе көннәр әле озак дәвам итәчәк, дип кисәтә синоптиклар. Шуңа күрә мондый көннәрне җиңелрәк кичерү өчен файдалы киңәшләр тәкъдим итәргә булдык.

Гадәттән тыш хәлләр министрлыгы эсселекне җиңел кичерү өчен киңәшләр исемлеге төзегән. Әйдәгез, без дә аңа күз салыйк:

  1. Өйдә салкын температураны сакларга тырышабыз. Моның өчен көндез тәрәзәләрне ачмаска киңәш ителә. Әгәр тәрәзәләр кояш төшә торган якка караса, бигрәк тә. Ә инде төнлә тәрәзәләрне ачарга була, чөнки ул вакытта температура бүлмәдәгегә караганда түбәнрәк булачак.
  2. Эсседә озак тормагыз. Тәүлекнең иң эссе чагында урамга чыкмаска тырышыгыз. Вакытны өегездәге иң салкын бүлмәдә уздырырга тырышыгыз.  Шулай ук мондый көннәрдә физик эш күләмен дә киметергә киңәш ителә.
  3. Суны күбрәк эчәргә тәкъдим ителә. Шулай ук салкынча душ керү, юеш сөлгеләр белән сөртенү дә ярдәм итми калмаячак. Натураль тукымадан тегелгән җиңел, иркен кием кияргә тырышыгыз. Урамга чыкканда эшләпә, кепка, кояш күзлекләрен дә кияргә онытмагыз.

Җәен эссе булырга тиештер инде ул. Әле кышын бу көннәрне сагынып искә алырбыз, име, дуслар? ;)

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 июль 2020 - 15:26
    КИЛЕН КЫЗЫМ Өченче улы алып кайткан киленен Хөршидә беренче күрүдән үк ошатмады. Төскә-биткә матур, тыйнак холыклы күренсә дә, кайнана кеше Әлфинурның килешсез якларын гына күрде. Битенә бәреп әйтмәсә дә, кодагые туйга алып килгән чәкчәктән башлап, яшь киленнең нәсел-ыруына хәтле ахирәтләре, күршеләре белән тикшерде.
    2235
    0
    11
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1692
    0
    13
  • 15 июль 2020 - 17:52
    ГАДИЛЕКНЕҢ ГАЕБЕ БАРМЫ? Айдар Лилияне танымады. Әмма аның сылулыгымы, серле матурлыгымы ирне үзенә әсир итте. Карашында да аңлатып бетергесез нур, яктылык бар төсле. Шул ук вакытта башкалардан әллә ни аерылмый да кебек. Бары тик якын туганың, кадерле кешең кебек кенә нигәдер. Могҗиза диярсең.
    1312
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019