АКЧАМЫ? АКЫЛМЫ?/ТЕСТ

Әлеге мөһим сорауга җавап табар чак җитте. Ә сез кайсын сайлар идегез? Җавапны без тәкъдим иткән тестны үтеп табарга мөмкин ;)

1. Сезнең ике кеше белән аралашу мөмкинлегегез бар. Аның берсе – бай, икенчесе байлыктан мәхрүм, әмма укымышлы. Шуларның кайсысын сайлар идегез?

А) кайсысы сөйкемлерәк, шунысын - 3

Б) кесәсе калын булганын -1

В) мин кешеләргә байлыгына карап түгел, ә аларның күркәм сыйфатларыннан чыгып бәя бирәм, шуңа күрә укымышлысын сайлыйм – 5

2. Зур мәҗлес, театрда премьера, күргәзмә ачылу...

А) мин боларны түземсезлек белән көтеп алам – 2

Б) кайчагында күңелне җәлеп итә -1

В) мондый тамашалар мине ардыра – 0

3. Бик күп акча сарыф итүне сораган мавыгуга сез ничек карыйсыз?

А) акчам кызганыч – 2

Б) андый мавыгулар өчен минем мөмкинлегем юк – 1

В) андый мавыгуларга җаным да, малым да кызганыч түгел - 3

4. Бер атнага җитәр, дип исәпләнгән акча:

А) бер көн эчендә юкка чыга – 4

Б) җиткәндә җитә, җитмәгәндә юк – 3

В) ничек исәпләгән булсам, шулай тотам – 1

5. “Бәхет” сүзен байлык һәм зиннәтле тормыш дип аңлаган кешеләрне мин:

А) кызганам, чөнки алар чын бәхетнең нәрсә икәнлеген белмиләр -2

Б) андыйларга чирканып карыйм, чөнки алар чын хисләрне бәяли белмиләр – 0

В) акыллы кешеләр дип саныйм, чөнки хәерчелектә яшәгәнче бай булуың яхшырак – 4

6. Кешеләр ни өчен бурычка акча ала?

А) уртача керемнәре түбән – 4

Б) булдыра алганнан яхшырак яшәргә телиләр – 1

В) көтелмәгән чыгымнар килеп чыга - 2

 

Нәтиҗә ясар чак та җитте. Балларны санап карыйк:

4-9. Сезнең акчага бер дә ис китми ахры. Рухи байлыклар матди байлыкка караганда әһәмиятлерәк, дип санавыгыз белән сез хаклы. Ләкин шуны да онытмагыз: баш өстендә түбә, өстәлдә ризык, өстегездә кием булсын өчен акча кирәк.

10-16. Сез бер чиктән икенчесенә ташланасыз. Акчагыз булганда сез аны җилгә очырасыз. Булмаса да бик исегез китми. Вакыты-вакыты белән байларча кыланудан тәм табасыз. Ләкин “көймәнең комга терәлүе” дә сезгә яхшы таныш. Шуңа күрә акчаны исәпләп тоту кирәк.

17-22. Бу тормышта сезнең өчен иң әһәмиятле нәрсәләр – акча һәм муллык. Сез матди яктан файда китерерлек дусларны гына дуска саныйсыз. Сак булыгыз: дуслыкның нигезен бары тик файдага гына корсагыз, авыр минутларда ялгыз калуыгыз ихтимал.

Зилә САБИТОВА әзерләде

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2517
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1990
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    654
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019