21 КӨН ЭЧЕНДӘ - 1 ЯХШЫ ГАДӘТ

21 көн эчендә бер яхшы гадәт булдырабыз. Ниндине? Яшүсмерләрнең артык авырлыктан интегүе — көн кадагындагы мәсьәләләрнең берсе. Ничек итеп үсә торган организмга зыян салмыйча гына артык авырлыктан котылырга?

Нәрсәгә дә булса ияләшү өчен 21 көн таләп ителә. Имеш, 21 көн рәттән бер үк эшне эшләсәң ул аңга сеңә һәм син аны автоматик рәвештә эшли башлыйсың. Әйдә, бүгеннән үзебездә бер яхшы гадәт булдырабыз?

1 — Иртәнге ашны калдырма. Иртән ашамау көн дәвамында күп ашауга китерә. Йокыдан торганнан соң 2 сәгать дәвамында ни дә булса ашарга тырыш.

2 — Аксымга өстенлек бир. Ул озак вакыт тук булырга ярдәм итәр. Протеинның сыйфатлы чыганакларына өстенлек бир. Мәсәлән, йомырка, балык, йогуртка.

3 — Камыр ризыклары турында онытып тор. Ничек кенә кызыктырсалар да, алар сыйфатлы тукланырга теләүчеләр өчен уңай вариант түгел.

4 — Яшел чәй эч. Составында катехиннар булу сәбәпле, чәй метаболизмны яхшырта.

5 — Утырып ашарга тырыш. 10 гына минут вакыт табып иркенләп утырып аша. Болай эшләгәндә яхшырак тукланырсың.

6 — Иртәрәк тор. Статистикага күз салсак, иртә торучылар төз гәүдәле һәм соң торучылардан бәхетлерәк икән.

7 — Максатың турында һәрчак исеңә төшереп тор. Смартфоныңа, йә булмаса, башка күренә торган урынга искә төшерә торган язу, картинка һ.б. куярга мөмкин.

8 — Иртән торгач, пәрдәләрне ачып куй. Кояш нурлары матдәләр алмашын яхшыртырга, кәефеңне күтәрергә ярдәм итәр. Син үзеңне яхшырак хис итәрсең һәм азрак ашарсың.

9 — Иртән торуга бер стакан су эчеп куй. Су метаболизмны да яхшырта, укыйсы һәм эшлисе килү теләген дә арттыра.

10 — Берәр күңелле әйбер кара. 10 минут көлүнең 1 стакан каймакны алыштыруы турында күптәннән билгеле. Йә-йә, бочылма! Бу очракта каймак ашау авырлыгыңа берничек тә начар тәэсир итә алмаячак Киресенчә, 10 минут күңел күтәрә торган видеолар карау вакытында 20 дән 40 ка кадәр ккал. ягыла. Елмаеп-көлеп яшик!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2553
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    704
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    620
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019