«ЯШЕЛ ФИТНЕС» ҖИДЕНЧЕ СЕЗОНЫН АЧЫП ҖИБӘРДЕ!

Татарстанда «Яшел фитнес» проектының яңа, җиденче сезоны башланды. Ачык һавада беренче бушлай тренировка 17 майда узган. Ә ачылыш 22 майда Горький паркында булачак. 

«Яшел фитнес» проекты «Демография» милли проекты кысаларында оештырыла. Казанда старт алган әлеге проект хәзер Россиянең башка шәһәрләрен дә үз эченә ала. Максаты – физкультура һәм спорт белән шөгыльләнүче халык санын арттыру, ә төгәлрәк әйткәндә, 2024 елга аларны 55%ка җиткерү. 

Алты ел эчендә әлеге проект үз эченә Россиянең 43 регионын колачлаган. Барлыгы 5097 тренировка уздырылган һәм анда 500 000 кеше катнашкан. 

Әлеге проект бик күп төрле спорт төрләрен, күнегүләр комплексын үз эченә ала. «Яшел фитнес»та теләгән һәркем зумба, кроссфит, йога, йөгерү, бокс, аэробика, пилатес һәм тагын бик күп төрле спорт тренировкаларында катнаша ала.

Проектта аеруча актив катнашканнарны ноутбук, электросамокат, квадрокоптер һәм башка шәп бүләкләр көтә.

«Яшел фитнес» турында тулырак проект сайтында һәм Instagram битендә танышырга була. 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    824
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    587
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    482
    0
    0

Блоглар