СТУДЕНТ ҺӘМ АСПИРАНТЛАРГА – ТАШЛАМАЛЫ АВИАБИЛЕТЛАР?

Россиянең Дәүләт Думасы студентлар һәм аспирантларга, авиабилет алганда, ташламалы тарифлар кертергә тәкъдим итә. Ташламалы категориягә бакалавриат, магистратура, специалитет юнәлешендә көндезге бүлектә укыган, 30 яшькә чаклы булган яшьләрне кертү идеясе бар.

Хәзерге вакытта Ерак Көнчыгыш, Кырым һәм Калининградка 23 яшькә чаклы россиялеләр ташламалы бәя буенча авиабилет ала ала. Аларның белем алу-алмаулары мөһим түгел.

Депутатлар тарафыннан тәкъдим ителгән инициативаның хуплаучылары да, каршы булучылары да бар. Пассажирларның гомумроссия берләшмәсендә ташламалы  тарифлар яшьләргә сәяхәт итәргә һәм бизнес белән шөгыльләнергә күбрәк мөмкинлек бирәчәк, дип саныйлар. Идея белән риза булмаучылар фикеренчә, 30 яшьлекләргә мондый хокук бирү пенсионер, мөмкинлекләре чикле булган кешеләргә һәм күп балалы гаиләләргә юнәлтелгән бюджетны үзенә “тартачак”.

Әлеге тәкъдимнең инициаторы – Дәүләт Думасы депутаты Наталья Кувшинова. Ул шушы хатны Россиянең Транспорт министрлыгына һәм “Росавиация”гә юллаган.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: