Путин БДИда 300 балл җыйган!

Томск өлкәсенең Северск шәһәреннән Александр Путин БДИдан 300 балл җыйган. Әлеге сан ул имтихан тапшырган рус теле, математика һәм физикадан нәтиҗәләрне кушкач килеп чыга. Белүебезчә, бер фәннән иң күбе 100 балл җыеп була. Александр укыган гимназия директоры сүзләренчә, Путин гел яхшы укыган, төрле фәннәрдән олимпиадаларда катнашкан. Әле тагын ул полиатлон буенча спорт мастерына кандидат та икән!

Алга таба Саша Мәскәү физика-техник институына керергә җыена. Егет фикеренчә, БДИны уңышлы тапшыруда аңа олимпиадаларга әзерләнүе ярдәм иткән. Путин имтиханнарны репетиторлардан башка гына биргән.  Аның әйтүенчә, ул бары тик укытучыларына һәм төрле сайтларга гына мөрәҗәгать иткән.

 - Кайсы төр биремнәрдә хаталануымны, кайда белемем җитеп бетмәвен ачыкладым да, шул темалар буенча теорияне кабатладым. Аларны эшләргә өйрәнгәнче төрле биремнәр чиштем. Соңрак инде мин иң авыр дигән сорауларны гына карадым, - ди чыгарылыш сыйныф укучысы.

Ә инде Россия президенты белән фамилияләре бер булуы турында сүз киткәч,  ул елмаеп:

- Барлык биремнәр дә шифрланган, анда фамилия күренми. Шулай булгач тикшерүчеләр дә нинди кешенең эшен тикшерүләрен белми, - дигән.

Путин репетиторларсыз гына да 100 балл җыйган, ә Россия буенча күпме укучы репетиторларга акча түгә икән? Бу турыда БДИ турында фактларны укыгач белерсең.
БДИ турында саннарда:



  • Әти-әниләрне сораштырганнан соң шундый нәтиҗә ясалган: 73% артык чыгарылыш сыйныф укучылары БДИ тапшырганда стресс кичерә;



  • 22% укучы имтиханнар вакытында тынычландыргыч препаратлар кабул иткән;



  • 32% мәктәп укучысы имтиханнарга әзерлеккә атнасына 5-10 сәгать вакытын багышлаган;



  • 74% чыгарылыш сыйныф укучылары репетиторларга мөрәҗәгать иткән;



  • 29% укучыда 2 репетитор булган;



  • Репетиторга мөрәҗәгать итүчеләрнең 60%ы аларга математика, 43%ы рус теле, 27% чит тел буенча йөри.



Зилә САБИТОВА әзерләде

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    723
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    626
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    473
    0
    0

Блоглар