Министр мәктәптә сәламәт яшәү рәвеше дәресе кертергә тели

Вероника Скворцова мәктәптә сәламәт яшәү рәвеше дәресе кертергә тәкъдим итте. Бу турыда "Интерфакс" яза. 

Россия сәламәтлек саклау министры Вероника Скворцова киләсе уку елыннан башлап мәктәптә сәламәт яшәү рәвеше формалаштыра торган дәрес кертелүе ихтималы турында әйтте. "Мәгариф министрлыгы белән бергә белем бирү-тәрбия программаларын яңартырга җыенабыз. Алар сәламәт яшәү рәвеше һәм деструктив тәртипне, начар гадәтләрне кабул итмәүне үз эченә ала торган кешелеклелек кыйммәтләре системасын булдыруга юнәлтелә", - дип сөйләгән Скворцова.

Аның сүзләренчә, "балаларны өч яшьтән алты яшькә кадәр шәхси гигиенага өйрәтергә кирәк; өлкәнрәк балалар катлаулырак белемнәрне: сәламәтлек торышын ничек көйләп булуын, нәрсәгә игътибар итәргә икәнлеге турында мәгълүматны үзләштерә ала".

Урта һәм югары сыйныф балалары пульс, температура үлчәргә өйрәнәчәк, "организмда ниндидер үзгәрешләр булса, нишлисен; ашыгыч ярдәм чакыра беләчәк; 10-11 сыйныф укучылары беренче ярдәм күрсәтә белергә тиеш", дип әйткән министр.

Скворцова моның "киләсе елга кертеләчәгенә" өметләнә.

"Татар-информ"

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    910
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    650
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    555
    0
    0

Блоглар