МАТУРЛЫК САЛОНЫНА ЙӨРҮЧЕЛӘРНЕ РОСПОТРЕБНАДЗОР КИСӘТӘ

Роспотребнадзор  матурлык салоннарына йөрергә яратучылар өчен белешмә әзерләгән. Әлеге белешмәдә салоннарга йөрүчеләргә иң беренче чиратта игътибар итәргә кирәкле әйберләр билгеләнгән.

Иң беренче чиратта, кулланучы мастерның һәр коралны, җиһазны дезинфекцияләвенә игътибар итәргә тиеш. Матурлык салонында эшләүчеләр яңа кешегә хезмәт күрсәтү алдыннан, тарак, кайчы ише барлык әйберне яхшылап юарга тиеш. Өстәвенә, хезмәткәрләр, эш башлар алдыннан һәм тәмамлагач, кулларын сабын белән яхшылап юарга тиешләр.

Салонда кулланыла торган барлык продукция сертификацияле булырга һәм куллану вакыты чыкмаган булырга тиеш. Һәм, иң мөһиме, матурлык салонында эшләүче һәр кешенең шәхси медицина белешмәсе булырга тиеш.

Татарстанлылар өчен тагы бер мөһим мәгълүмат: матурлык салоннарында санитар-гигиена нормалары үтәлмәвен ачыклаган очракта, кулланучылар Большая Красная, 30 адресына мөрәҗәгать итә алалар.

Тулырак бу турыда шушы сылтама аша үтеп укырга була.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: