МӘКТӘПЛӘР УКУ ЕЛЫНА ӘЗЕРМЕ?

Бүген Татарстан Республикасы буенча 1397 мәктәп эшли.

Яңа уку елында Биектау (500 укучылык), Чаллы (1224 укучылык) һәм Казанда (1224 укучылык 2 мәктәп) дүрт яңа мәктәп ачылачак. Болардан тыш, бүгенге көндә тагын 7 мәктәп төзелә, алар 2018 -2019 уку елында үз ишекләрен ачарга тиеш.

2017 ел ахрына кадәр 146 оешманы ремонтлау күз алдында тотыла. Шуларның 36 сы – гомуми белем бирү оешмалары, 29 ы  – муниципаль мәктәпләр, 7 се – махсус мәктәпләр һәм 110ы – мәктәпкәчә белем бирү оешмалары. Бүгенге көндә шушы исемлектән 13 гомуми белем бирү мәктәбе, 1 махсус мәктәп һәм 50 балалар бакчасы ремонтланган. Мәгариф һәм фән министры урынбасары Тимерхан Алишев әйтүенчә, бүгенге көндә республикабызда бер генә искергән, балаларны кабул итә алмаслык мәктәп тә юк.