КФУда “Сәламәтлек мәктәбе” ачылды

КФУның Университет клиникасы өр-яңа проект башлап җибәрделәр. “Сәламәтлек мәктәбе” – альма-матерда уза торган «PROНаука» фәнни циклның дәвамы.

КФУда һәр өч ай саен “Фән төне” дип аталган фәнни-популяр шоу уздыру яхшы традициягә керде. Анда галимнәр лекцияләрне, фәнни тәҗрибәләрне һәркемгә аңлаешлы итеп оештыра. Казанлыларның күңеленә хуш килгән әлеге проекттан тагын берсе калкып чыккан. Исеменнән үк аңлашылганча, ул сәламәтлеккә һәм заманча медицина мөмкинлекләренә багышланган.

“Сәламәтлек мәктәбе”нең “дәрес”ләре Татарстан Президенты катнашында ачылган Университет клиникасында уза. “Бу – безнең университет каршында, халык өчен эшли торган гади сырхауханә. Бирегә 40 мең граждан беркетелгән”, – ди КФУ ректоры Илшат Гафуров.

“Сәламәтлек мәктәбе” табиб, галим, пациентларны берләштерәчәк. Үз чиратында, табиблар киң таралган авырулар турында сөйли. Чарада биомедицина фәне белән шөгыльләнә торган галимнәр дә катнаша. Алар книникага кертеләчәк перспектив яңалыклар турында чыгыш ясый.  Бу юнәлештә иң мөһиме – теләсә нинди авыруга, шул испәтән онкологиягә кагылышлысына да, диагностика системасын куллану. Университет клиникасында диагностика уздыру шулай итеп төзелгән ки: биредә соңгы стадиягә җиткермичә дә, авыруны ачыклап була.

“Сәламәтлек мәктәбе”ндә интерактив шоулар, клиника буенча экскурсияләр дә узачак. Мисал өчен, беренче “дәрес”тә теләгән кешеләр үзенең озынлыгын, үлчәмен белә, флюорография уза, кандагы глюкозы дәрәҗәсен белә алды. Шулай ук гастрит, бөер авырулары, шикәр диабеты турында да файдалы мәгълүматка ия булды. Катнашучылар арасында өч чек-ап уйнаттылар. Чек ап – вакытыннан алдан уздырыла торган диагностика, аның ярдәмендә кыска вакыт эчендә анализлар тапшырып, организмның халәтен белеп  була.

Әлеге проект дәвамлы булырга охшый. Аның максаты да бит – халыкны хәбәрдар итү, кешеләрнең игътибарын сәламәтлеккә юнәлдерү.

Биредә катнашу – һәркем өчен дә бушлай.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2660
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    827
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    709
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019