КАЗАНДА «ТӨРКИ КИНО КӨННӘРЕ» БАШЛАНДЫ 

Казанда 13-18 май көннәрендә «Төрки кино көннәре» уза. Фестиваль «Татаркино», Казахстан, Үзбәкстанның Генераль консуллыгы, башка төрки дәүләтләрнең вәкиллекләре белән хезмәттәшлектә үткәрелә. Аны инде бүген үк «Турул 1890» дигән төрек фильмы ачып җибәрәчәк. 

«Быел «Төрки кино көннәре» дүртенче тапкыр уза. Без репертуарны чит ил фильмнары белән төрләндерергә тырышабыз. Төрек фильмнарын игътибарсыз калдырмыйбыз», – диде ТР «Татаркино» дәүләт бюджет мәдәният учреждениесе директоры Миләүшә Айтуганова. 

«Төрки кино көннәре»ндә барысы 16 фильм күрсәтеләчәк. Программада Төркия, Казахстан, Әзербайҗан, Үзбәкстан, Саха Республикасы, Хакасия һәм Татарстанның иң яхшы фильмнары җыелган. Аларны «Мир» кинотеатрында карап булачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: