КАНИКУЛЛАР БУЛАЧАК: ЛАГЕРЬЛАР ЯБЫЛМЫЙ!

Коронавирус инфекциясе таралу куркынычы булу сәбәпле, мәктәпләр каникулга бераз иртәрәк чыкса да, язгы лагерьлар эшләячәк. Татарстанның 26 балалар лагеренда 3208 бала һәм яшүсмер ял итәчәк.

Моңа кадәр республика территориясендә югары дәрәҗәдә әзерлек режимы кертелсә дә, лагерьлар эшләвен дәвам итәчәк. Моның өчен аларда җыештыру режимы көчәйтеләчәк, бина эчләрендә дезинфекция уздырылачак, санитар нормалар үтәлүен тикшерәчәкләр. Шуның белән бергә күп кеше катнашындагы чараларны уздырмаска, әти-әниләргә лагерьга килмәскә кушалар. Язгы сменалар 24-31 мартта узачак. Республиканың кайбер районнарында алар 20 мартта башлана.

Дамир Фәттахов, Татарстан яшьләр эшләре министры:

– Балаларның ялын лаеклы дәрәҗәдә уздыру – безнең өстенлекле юнәлешләребезнең берсе. Без балалар ялы имин узсын өчен, бөтен тиешле чараларны күрәбез. Сменалар вакытында балаларга сәламәтлекләре турында да файдалы мәгълүмат бирәчәкбез. Алар каникулларын тыныч мохиттә файдалы итеп уздырачагына ышанам.

Коронавирус инфекциясе таралмасын өчен барлык тиешле чаралар күреләчәк. Ял итүчеләрнең тән температурасы тикшереләчәк, балалар һәм яшүсмерләр актив рәвештә кулларын сабынлап юачаклар, аларны антисептиклар белән эшкәртәчәкләр. Бөтен биналарда бактерицид лампалар кулланылачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1522
    0
    6
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    510
    0
    0
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    472
    0
    0

Блоглар