ГӨЛНАЗ СӘФӘРОВА АЭРОБИКА БУЕНЧА ТРЕНИРОВКА УЗДЫРАЧАК
12 нче июль 19.00дә Горки-Әмәт урманы сәхнәсендә аэробика буенча мастер-класс үтәчәк. Чараны Казан мэриясе оештыра. Аэробика буенча мастер-классны Татарстанның атказанган артисты, теле-радио алып баручы Гөлназ Сәфәрова һәм тренер, «Сәйдәш» мәдәният үзәгенең спорт юнәлешләре җитәкчесе Ләйсән Мөхәммәтҗанова үткәрәчәк.
Аэробика – гимнастика, бию һәм спорт күнегүләре синтезы. Бер яктан ул сәламәтлек өчен файдалы булса, икенче яктан – вакытны кызыклы, мавыктыргыч һәм күңелле итеп уздыру ысулы. Моңа өстәп, ул стресстан, арганлыктан да котылырга ярдәм итә. Аэробика белән шөгыльләнеп, мускулларны ныгытырга, үзеңне тонуста тотарга һәм координацияне яхшыртырга мөмкин.
Искәртеп үтик, «Хәрәкәттә – бәрәкәт» чаралары Казан Мэриясе тарафыннан Парклар һәм скверлар дирекциясе белән берлектә сентябрьгә кадәр уздырыла.
Ә бу юлы исә оештыручылар теләге булган, вакытынын файдалы һәм күңелле уздырырга теләүче һәркемне чакыра. Мастер-класска спорт киеменнән килү сорала.
Следите за самым важным и интересным в Telegram-каналеТатмедиа
Белми калма
-
19 апреля 2024 - 16:17
«ДЕЖУРНЫЙ ПО ПЛАНЕТЕ» БӘЙГЕСЕНЕҢ ФИНАЛЫ УЗДЫ!
-
17 апреля 2024 - 16:11
КЫТАЙ ГАЛИМНӘРЕ БИЕРГӘ КУША!
-
16 апреля 2024 - 16:55
ТУКАЙНЫҢ ТУГАН КӨНЕ УҢАЕННАН УКУЧЫЛАР «МӘҢГЕЛЕК ШИГЪРИЯТ» БӘЙГЕСЕНДӘ КАТНАШЫРГА ЧАКЫРЫЛА
-
14 апреля 2024 - 13:33
ШӘРИФ КАМАЛ ИСЕМЕНДӘГЕ ӘДӘБИ ПРЕМИЯГӘ ЭШЛӘР КАБУЛ ИТЕЛӘ БАШЛАДЫ
Нет комментариев