Гель-лак: ешрак ясаткан саен...

Гель-лакның өстенлекләре күп: ул тиз кибә, тырнакларны ныгыта, ай буена рәхәтләнеп тынакларыңның кыяфәте өчен борчылмыйча йөрергә мөмкин. Тик дерматологлар чаң суга: мондый маникюр тән тиресе өчен куркыныч!

Гель-лак тырнакта яхшы торсын өчен аны махсус лапма астында киптерәләр. Әлеге лампа ультрашәмәхә нурлар тарата. Бу нурланыш тән тиресензарарлый, картайта  һәм хәтта рак авыруы китереп чыгарырга мөмкин.

Һәр салонда лампаны куллану вакыты төрле, ягъни аның стандартлары юк. Нурланыш күләме дә хатын-кызның нинди салонга йөрүенә һәм ничек еш тырнак ясатуына бәйле. Ешрак ясаткан саен зарары да күбрәк.

Моннан тыш, билгеле бер антибиотиклар эчкән  һәм химия тераписе препаратларын кулланган кешеләр бу нурланышка тизрәк бирешүе ачыкланган.       Тәннәрендә пигментлар, нәселләрендә рак белән авыручылар булган кешеләргә бигрәк тә сак булырга кирәк.

Дерматологлар гель-лакны айга бер тапкырдан да ешрак  ясатмаска киңәш итә.

Белгечләр тырнактагы гель-лакны да үзлектән салдырмаска  киңәш итә, чөнки тырнакка зыян китерергә мөмкин.
Ә салонда эшләүчеләр нишли?

Галимнәр 1,5 ел дәвамында Колорадо штатындагы 6 маникюр салонынының һавасын, ягъни атмосферадагы  формальдегид, бензен, толуэн, этилбензен һәм ксилен күләмен тикшергән. Салоннарның һәркайсында әлеге зыянлы матдәләрнең күләме бик зур булуы ачыкланган. Монда эшләүчеләр башлары авыртуга, тән тиреләре кычытуына һәм күзләре әчетүенә зарланган.

Тикшерүләр күрсәткәнчә, маникюр салонында 20 ел эшләү рак килеп чыгу ихтималын 100 тапкырга арттыра. Моны нефть эшкәртә торган заводта эшләү белән чагыштырып булыр иде.

Зилә САБИТОВА әзерләде



ТАГЫН УКЫРГА:


ТЫРНАК КИМЕРҮ ГАДӘТМЕ, АВЫРУМЫ?


МӨСЛИМӘЛӘРГӘ ТЫРНАК БУЯРГА ЯРЫЙМЫ?

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    723
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    626
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    473
    0
    0

Блоглар