Фәрит Мөхәммәтшин интернеттагы яшьләр өчен борчыла

Татарстанның Яшьләр парламенты социаль челтәрләр белән актив эшли башларга тиеш, дип саный Дәүләт Советы рәисе Фәрит Мөхәммәтшин. Яшь парламент вәкилләре алдына бу эшчәнлекнең яңа форматын табу бурычы куелачак.

Бу турыда җитәкче республика Яшьләр иҗтимагый  палатасының йомгаклау утырышында белдерде. Хәзерге вакытта җирле үзидарә органнары каршындагы яшьләр палатасы 1,1 меңгә якын яшь буын вәкилләрен берләштерә. Тик шул ук вакытта Яшьләр палатасы игътибарыннан читтә калучы яшьләр дә бихисап. Аларны күп очракта урамнар, социаль челтәрләр, төрле деструктив көчләр "эләктереп ала".

– Мин ныклы фикергә килдем: социаль челтәрләр белән эшләргә кирәк. Чөнки анда - хаос. Кем нәрсә тели, шуны яза. Моны туктату мөмкин түгел, шуңа күрә без яшьләрне әлеге мәгълүматка ничек әзерләргә икәнлеге турында уйланырга тиеш. Бу безне борчый. Шуңа күрә  яшьләр палатасы социаль челтәрләрдә үз урынын тапсын иде, - дип ассызыклады Фәрит Мөхәммәтшин.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: