Алар балалар бакчасы өчен түләмәячәк

Татарстанда өч һәм аннан да күбрәк балалы гаиләләр бакчага түләүдән азат ителә. Димәк, республикада 7,2 меңнән артык бала балалар бакчасына бушлай йөриячәк, дип хәбәр итә "Татар-информ".

Татарстанның күп балалы гаиләләре 2020 елның 1 гыйнварыннан өстәмә ярдәм чаралары алачак. Өч һәм аннан да күбрәк бала тәрбияләүче гаиләләр балалар бакчасы өчен түләүдән азат ителәчәк. Бүген бу хакта республика Президенты Рөстәм Миңнеханов Казан Кремлендә Татарстанның «Ана даны – Материнская слава» медальләрен тапшыру тантанасында хәбәр итте.

«Киләсе елдан өч һәм аннан да күбрәк бала тәрбияләүче һәм яшәү минимумыннан түбән керемле гаиләләр балалар бакчасы өчен ата-аналар түләвеннән тулысынча азат ителәчәк», – диде Татарстан Президенты.

Шулай итеп, республикада 7202 бала балалар бакчасына бушлай йөриячәк. Бүген мондый гаиләләр гомуми бәясенең 50 процентын түли.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: