Яшьләр өчен оештырылучы чараларның иң шәбе, көтеп алынганы – «Татар егете, Татар кызы» бәйгесе. Ул Казан шәһәре мәктәпләре укучылары арасында үткәрелә. Бу бәйге милләтебезнең үзенчәлеген, киләчәк буынны тәрбияләүдә кулланылган отышлы алымнарны күрсәтергә, асыл шәхесләр булып җитешеп килүче егет-кызларыбызның күркәм сыйфатларын үстерергә, сәләтләрен ачарга мөмкинлек бирә.
