«Ялкын» журналы Питрәчнең «Шатлык» Балалар йортында бәйрәм оештырачак

10 июньдә 10.00 сәгатьтә «Ялкын» журналы Питрәч бистәсенең «Шатлык» Балалар йортында тәрбияләнүчеләр өчен бәйрәм уздырачак. Программада – шаян аниматорлардан театраль-музыкаль тамаша, күңелле уеннар, бәйгеләр, «Шатлык» йортында тәрбияләнүчеләр өчен махсус әзерләнгән бүләкләрне тапшыру һәм бергәләп чәй эчү.


«Шатлык» Балалар йортына кайту «Ялкын» журналы оештырган «Яшьтәшеңә «Ялкын» бүләк ит» - «Подари «Ялкын» своему сверстнику!» акциясенең йомгаклау этабы булачак. Акциянең асылы түбәндәгедән гыйбарәт иде: Казанның төрле мәктәпләрендә укучы балалар үз куллары белән брелоклар, алкалар, брошкалар, чәч кыстыргычлар һ.б. әйберләр ясады. Һәркайсы 100 сум торган бу эшләнмәләрне 1 июнь, Бөтендөнья балаларны яклау көнендә, Казан Кремле территориясендә узган бәйрәмдә теләге булган һәркем сатып алды. Редакция әлеге вак-төякләрне сатудан кергән акчага Питрәчнең Балалар йортына алып кайту өчен бүләкләр һәм тәм-томнар алды. Бәйрәмгә әзерләнүдә Казан шәһәренең интернат-лицее, Апас районы Каратун мәктәбе, Татар китап нәшрияте дә матди ярдәм күрсәтте.


Бәйрәмдә шаян аниматорлар балалар өчен театраль-музыкаль тамаша күрсәтәчәк. Анда малайлар-кызлар үзләре дә катнаша алачак. Шулай ук алар өчен башка кызыклы уен һәм бәйгеләр дә оештырылачак. Бәйрәм барышында һәр бала үз кулы белән кәгазь кораб ясап аңа теләген язачак. Көн ахырында балалар редакция хезмәткәрләре белән бергә бу корабларны Мишә елгасына агызачак. Бәйрәм бүләкләреннән кала, һәр бала «Ялкын»нан махсус бүләк – журналның логотибы төшерелгән футболка алачак. Бәйрәм бергәләп чәй эчү белән тәмамланачак.


Питрәч бистәсенең «Шатлык» Балалар йортында 3-17 яшьлек 22 бала тәрбияләнә. Аларның кайберләренең әти-әниләре бар. Бу – «Ялкын» журналының әлеге балалар йортында беренче тапкыр гына бәйрәм оештыруы түгел. Редакция шундый бәйрәмне 2013 елда да оештырган иде.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1251
    0
    6
  • 26 гыйнвар 2021 - 12:03
    КУРЧАК Эшкә урнашып, тәүге хезмәт хакын кулга алгач та, Фидәния кибеткә керде дә  беренче әйбере итеп үзенә кием дә, аяк киеме дә, бизәнгеч тә түгел, ә... курчак сатып алды.
    1100
    0
    1
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    425
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019