ИҢ ТИЗ ДӘРЕС

Кайчак Инстаграмда файдалы видеодәресләр табыла, 10-30 секунд кына булуына карамастан, менә дигән итеп истә кала, көндәлек тормышта да ярап куя алар. Бу юлы сезне шундыйрак видеоязмалар белән таныштырырга булдык әле. Дөрес, кайсы беренче урында, кайсысы – икенче, әмма монысы мөһим түгел, ни сайларга икәнен һәркем үзе өчен үзе хәл итә.


Татар теле дәресе: Оливьер Мукенди Мбвебве татарча җырлый! Оливьер Казанга Конгодан укырга килгән егет, студент кына түгел, ә танылган активист һәм җырчы да әле ул. Әгәр әлегә кадәр аның саф татарча матур итеп җырлавын күрмәгән булсагыз, аңлатып китәм: ул "Алмагачларым" җырын башкарып танылып китте. Хәзер Илсөя Бәдретдинова белән яңа
проект та әзерли икән. Татар телен өйрәнми йөргән милләттәшләребезгә оят булсын әле, менә алар вакыт тапмый, имеш, мең төрле сәбәп китерә... Баксаң, теләк кенә кирәк икән. Әгәр кара тәнле, кара күзле чит ил егете синең телеңдә синнән дә әйбәт сөйләшә икән, үз хатаңны танырга вакыт, димәк.

 



Хезмәт дәресе: пешерергә өйрәнәбез. Инстаграмда бик кызыклы һәм шактый файдалы аккаунт таптык бит әле. Үзенә күрә 30 секундлык хезмәт дәресе. Дөрес, бу дәресләр тәмле ризык пешерергә яратучылар өчен генә кызыклы булачак. Әгәр арагызда бу сүзләрдән күзләре ут янучылар булса, аккаунт исемен язып алыгыз: meat_cookroom. Ә үз фигурасы өчен борчылып яшәүчеләр өчен дөрес туклану буенча аккаунт тәкъдим итәсе килә: pp/instagram. Мең төрле кызык, файдалы һәм тәмле ризык сезне көтә. Ләкин сак булыгыз, экспериментларны ялгыз гына үткәрмәгез, яныгызда өлкәннәр булуы кирәк, ялгыш уеннан уймак чыга күрмәсен, килештекме?

 



География дәресе: гади әйберләрдә дә матурлык күрергә өйрәнәбез. Ике кызык аккаунт белән таныштырасы килә. Беренчесе – Төркиядә туган сәяхәтче Ренан Өзтүркнең фотолары, видеоязмалары җыелган бит: renan_ozturk дисәгез, табыла. Таулар, кар, авыл гүзәле... Ә син үз күзең белән караганда, бу матурлыкны күрә алыр идеңме? Казанда нәрсә табасың инде, ул бит Төркиядә яши диючеләргә тәкъдим: tdilmac аккаунты. Менә сезгә ничәнче ел инде Казандә яшәүче илче фотолары. Фотога төшерү аның мавыгуы, хәзер бит күпләр бу хоббины үз итә. Ләкин Турхан абый Дилмач күргән Казан бөтенләй башка! Матурлыкны күңел белән күрә белергә кирәк шул!

 

4-1

Күңелле физика: тәҗрибәләр, шаккаттыргыч фактлар һәм сез белмәгән чынбарлык. БДИга әзерлек башланды, беләбез инде. Ял иткәндә мәктәп фәннәре турында ишетәсегез дә килмидер. Без дә канатланып тормый идек элек... Ә хәзер бу аккаунттан чыга алмыйбыз: менә сиңа физика! Баксаң, Кояшның тарту көче (гравитациясе, ягъни) җир шарыныкыннан 28 тапкырга көчлерәк икән. Шуңа кайчак иртән караваттан тора алмый интеккәндә, олылар шелтәләргә ашыга, ә мин: "Әни, мин Кояш кануннары буенча яшим", – дип җавап кайтарам. Ә чәй эчкәндә, Майкл Браунның яңа планета турындагы фикерләрен сөйләп күрсәтәм. И, шаккаталар да соң! Кыскасы, менә бу аккаунтка күз төшереп карагыз әле: physics_ru.

Эльвира Һадиева

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    950
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    505
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    378
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019