НИЧЕК БАРЫСЫНА ДА ӨЛГЕРЕРГӘ?⌛

Лилия Гыймазова блогы

Бу сорау бик күпләрне борчыйдыр, минемчә. Әлеге язмада син тайм-менеджментка кагылышлы 5 киңәш таба алачаксың. Аларны син көндәлек тормышта кулланырсың һәм продуктивлыгыңны арттыра алырсың, дип ышанып...

Бу сорау бик күпләрне борчыйдыр, минемчә. Әлеге язмада син тайм-менеджментка кагылышлы 5 киңәш таба алачаксың. Аларны син көндәлек тормышта кулланырсың һәм продуктивлыгыңны арттыра алырсың, дип ышанып калам!

1. Көнеңне планлаштыр.

Әйе, бу - иң баналь, ләкин шул ук вакытта иң эффектив киңәш. Һәр эшлисе эшне барлап язып кую һәм аңа күпме вакыт сарыф ителәсен белеп тору сиңа көнеңнең һәр сәгатен һәм, хәтта, минутын контрольдә тотарга ярдәм итәчәк.

2. Өстенлекләрне (приоритетларны) билгеләргә онытма.

Икенче пункт беренчесенә бәйләнгән. Барлык эшләрне язып чыккач, кайсылары мөһим һәм аеруча катлаулы, шуларга басым яса. Андый эшләр вакытны күп ала, ләкин, беренчедән, эшләп бетерү белән, иң авыры артта калды дигән уйлар сиңа өстәмә көч бирәчәк, икенчедән, калган бик үк мөһим булмаган эшләрне башкармаудан берни дә үзгәрмәс бит?

3. Үз ритмыңны күзәт.

Һәркем үзенчәлекле, шулай булгач, синең эшләү ритмың да бары тик сиңа гына хас. Үзеңне күзәт. Кайсы вакытта син продуктиврак? Бәлки, төн уртасына кадәр утырганчы, иртәнге сәгатьләрдә эш җиңелрәк барыр. Яки, киресенчә, син ябалаклар рәтенә керәсеңдер? Кемгәдер соңгы минутта эшләргә уңайлы, ә кемдер алдан ук барысын да бетермичә, тынычлана алмый. Кыскасы, барысын да ачыкла,үзеңә җайлаштыр, һәм элек бик күп вакытыңны алган эшләрнең тизрәк эшләнүен сизми дә калырсың!

4. Берьюлы берничә эшкә тотынма.

Бер эш эшли башлагансың икән, бөтенләй шуңа гына бирел. Гаджетларыңны читкә алып куй. Игътибарыңны читкә юнәлткән саен син үз вакытыңны юкка сарыф итәсең, шуңа күрә алдыңа куелган максатың белән икәүдән-икәү генә калырга тырыш.

5. Эшләрне чиратлаштыр.

Безнең баш миебез бертөрлелектән бик тиз туя һәм вакыт үтү белән, бөтен көченә эшләүдән туктый. Шуңа күрә бер типтагы эшне башкасы белән чиратлашытырырга киңәш итәләр. Мисал өчен, математикадан мисалларны чишеп бетергәч, иҗади эшләреңә игътибар ит. Биш минутлык ял белән чиратлаштырып барсаң, тагын да яхшырак. Ял дигәннән, берөзлексез эшләргә ярамаганын онытма! Беразга гына булса да туктап алырга кирәк. Ләкин телефонга үрелергә ашыкма: анда кереп китсәң, вакытның үткәнен сизми дә калырсың!

Онытма, гомеребезнең һәр минуты алтынга тиң, ә ресурсларның иң кыйммәтлесе - вакыт. Аны юк-барга сарыф итмәгәнең хәерлерәк. ❤?

Теги: БЛОГ
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2552
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    700
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    618
    0
    5

Блоглар