"УРА! БЕЗДӘ КАНИКУЛЛАР!" АКЦИЯСЕ СТАРТ АЛА"

Татарстан Республикасы Мәдәният министрлыгы һәм Татарстан Республикасы Милли музее тәкъдим итә:

Мәктәпләрдә көзге каникуллар көннәрендә "Ура!Бездә каникуллар!" акциясе

2 нче ноябрьдән 8 нче ноябрьгә кадәр көзге каникул көннәрендә Татарстан Республикасының Милли музее һәм филиаллары балалар өчен "Ура! Бездә каникуллар" традицион программасын әзерли.

Балалар һәм өлкән кешеләр интерактив музей дәресләренә, экскурсияләргә, лекцияләргә килә алалар. Төбәкнең хәрби үсеше, тарихы белән кызыксынучыларны "Борынгы заман сугышчылары" дигән музей дәресенә чакырабыз. Төрле кораллар белән танышып, аларның үзенчәлекләре, борынгы заманнарда сугышчылар тарафыннан ничек кулланылулары турында белергә мөмкин.

Милли музейда "Хәзинәләр эзләгәндә" квест-уены ярдәмендә төрле экспозицияләр буенча сәяхәт кылырга мөмкин. Музей буенча борынгы хәзинәләрне эзләү мавыктыргыч уен формасында үтә. Уен Кунак йортында янгын вакытында үз хәзинәләрен бинаның бер бүлмәсендә яшергән бай сәүдәгәр турындагы риваятькә нигезләнеп оештырылган. Әмма яшерелгән байлыкларның сере бары тик күп белүчеләргә һәм эрудитларга гына ачыла.

"Билбау үрү серләре" мастер-классында үзеңнең иҗади талантыңны күрсәтергә, билбау (пояс) ясарга өйрәнергә мөмкин. Билбау кеше тормышында һәрвакыт әһәмиятле урын алып тора, гардеробның бу предметы белән бәйле мәкальләр, традицияләр дә байтак. Бу мастер-класста җепләрдән иске алымнар буенча ачык төстәге билбау бәйләргә өйрәнергә, билбауның килеп чыгу тарихы белән танышырга була.

Көзге каникулларда шулай ук Милли музейның филиалларында да төрле чаралар уздыралачак. М.Җәлилнең музей фатирында укучыларны "Ура! Каникуллар. Шагыйрьгә кунакка" экскурсиясе көтә. Экскурсия барышында балалар танылган татар шагыйре М.Җәлилнең тормышы һәм иҗаты белән таныша алачаклар.

Г.Тукай иҗаты белән кызыксынучыларны Г.Тукай әдәби музеенда көтеп калабыз. Биредә "Үзем турында нәрсәләр хәтерлим" исемле музей дәресе, "Сезне Мияүбикә кунакка чакыра" исемле музей бәйрәме, "Тукай китаплары сугышта" һәм "Белем башы – китап" исемле музей чаралары уздырылачак.

Барчагызны да көзге каникулларны файдалы уздыру өчен музейларга чакырабыз. Дәресләр көн саен сеанслап уздырылачак: 10.00 дә, 12.00 дә, 14.00 дә.

292-89-84 телефоны буенча шалтыратып, дәресләргә алдан язылырга мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2486
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2320
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1967
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019