«ТАБИГАТЬНЕ САКЛАРГА ӨНДӘДЕК»

Мәктәбебездә укучыларга төрле юнәлештәге тәрбияви чаралар гел үткәрелеп тора.


Узган ел “Якташ язучыларыбыз” почмагын ачканда, аларның иҗатларын өйрәнеп, китап укучылар конференциясен үткәрүне максат итеп куйган идек. Шуны истә тотып, якташ язучыбыз Фаил Шәфигуллинның “Ак маңгайлы бүреләр” повесте буенча “Табигать һәм кеше” дип исемләнгән конференция үткәрдек. Төп максат итеп табигатькә карата сак караш, андагы барлык җан ияләренә мәхәббәт тәрбияләү бурычын куйдык.


Бу чарада шәһәребезнең Ф.Шәфигуллин исемендәге милли китапханә хезмәткәре дә катнашты. Ул язучының тормыш юлы һәм иҗаты турында һәрбер баланың күңеленә барып җитәрлек итеп искиткеч матур сөйләде. Шулай ук мәктәбебезнең география укытучысы Татарстаныбызда Елгаларны һәм сулыкларны саклау елы уңаеннан укучыларга үзенең теләкләрен, киңәшләрен җиткерде.


Конференциягә килгәндә, ул бик җанлы үтте, чөнки һәрберебез дә бу әсәрне бик яхшылап укып чыккан идек. Повесть искиткеч матур телдә язылган, үзебез дә сизмәстән әсәрнең башыннан алып ахырына кадәр геройларның маҗаралы тормышына кереп киттек. Конференция барышында үзебезне кызыксындырган сорауларга җаваплар таптык, аерым өзекләрне бергәләп укыдык һәм аларны анализладык. Без барыбыз да бу конференциядән бик канәгать калдык.


Ә инде чарабызны йомгаклап, табигатьне сакларга, сулыкларны пычратмаска, кошларны - хайваннарны рәнҗетмәскә дигән карарга килдек, һәрвакыт аның яклы булырга сүз бирдек. Сезгә дә: “Табигатебезгә карата рәхим – шәфкатьле булыгыз!”- дип эндәшәсем килә.DSCN2538


Вәлиева Гүзәл, Яшел Үзән районы Әйшә урта мәктәбенең 7 нче сыйныф укучысы

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    933
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    805
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    738
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019