"КӘРӘЗЛЕ ЭЛЕМТӘГӘ КАРШЫ ҖАЙЛАНМАНЫҢ СӘЛАМӘТЛЕККӘ ЗЫЯНЫ БАРМЫ?"

Рәсәйдә кәрәзле элемтәгә каршы җайланма легальләштерелгән. Ул халыкта кәрәзле телефоннарны сүндерүне таләп итү утенечен игътибарсыз калдыру проблемасын хәл итә. Шул җайланма аркасында мәктәп укучылары һәм студентлар имтихан вакытында интернет челтәрләре һәм кәрәзле элемтә куллану мөмкинлегеннән мәхрүм.

Эш вакытында хезмәткәрләр дә еш кына телефон аша сөйләшеп вакыт уздыралар. Шул сәбәпле, радиобелгечләр форумында кәрәзле элемтәгә каршы җайланманы офисларда урнаштыру мәсьәләсе күтәрелде. Әңгәмә вакытында бу җайланманың сәламәтлеккә зыян китерерүе билгеләп үтелде. Радиочылар әйтүенчә, кәрәзле телефон, элемтә югалткан вакытта, көчен арттырып, аны эзләвен дәвам итә. Шул сәбәпле, телефонның батареясы дә тиз "утыра". Бу күренеш метрода исбатлана: элемтә еш кына юкка чыга, шуның белән аккумулятор энергиясе дә бик тиз сарыф ителә башлый.

Кәрәзле телефонның сәламәтлеккә зур зыян китерүе турында без барыбыз да бик яхшы беләбез. Аның дулкыннары кан составының үзгәрешенә, баш авыртуына, иммунитетның кимүенә һәм башка авыртуларга сәбәпче. Шулай булгач, кәрәзле элемтәгә каршы җайланманың да сәламәтлеккә зыяны бармы? Тикшерүләр нәтиҗәсе буенча, кәрәзле элемтәгә каршы җайланманың сәламәтлеккә бернинди зыяны да булмавы ачыклана. Шулай да, күп илләрдә бу җайланманы куллану легальләштерелмәгән. Франциядә аны бары тик театрларда һәм дини биналарда гына урнаштырырга мөмкин. Интернет-кибетләрдә "элемтә өзгеч" ачык сатуда. Уртача бәясе 5000нән башлап, 20000 сумга кадәр җитә.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    739
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    664
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    499
    0
    0

Блоглар